Экспертлар коронавирусни чой саноатига таъсирини маълум қилди

Олам 2393
image

Дунё бозорида чойга бўлган талабни кескин ортиши ва таклифни камайиши маҳсулот нархи қимматлашишига олиб келади. Бу ҳақда Россия чой ва кофе ишлаб чиқарувчилар уюшмасининг бош директори Рамаз Чантурия маълум қилди.

Таъкидланишича, ҳозир ҳамма карантин вақти уйда чой ичмоқда. Бу ҳолат табиийки чойга бўлган талабни кескин оширган.

“Талабнинг ўсиши ҳозирги вазият билан ҳам боғлиқ. Чунки уйда чой ичиш анъанавий бўлиб, ичимлик соғлиқ учун фойдали табиий маҳсулотдир“, дейди Рамаз Чантурия.

Мутахассисларнинг таъкидлашича, уч ҳафталик карантин туфайли эрта йиғим-терим ўтказиб юборилган. Бу эса чой таъминотида узилишлар кузатилишига олиб келиши айтилган.

“Ҳиндистон ва Хитойда биринчи чой йиғим-терими март ойининг ўрталарида бошланган. Аммо Шри-Ланка ва Ҳиндистонда карантин чекловлари туфайли бу деярли амалга ошмади. Бу эса етказиб беришда узилишларга олиб келади”, дейди Россия таҳлил маркази директори Андрей Сизов.

Маълум қилинишича, апрель ойида Шри-Ланкада уч ҳафталик танаффусдан кейин биринчи чой ким ошди савдоси янги, электрон шаклда бўлиб ўтган. Ушбу ким ошди савдосида чой нархи ўртача 20% га ошганлигини кўрсатмоқда. Савдолар чоғида бир килограмм чой ўртача 3,5 долларга сотилган.

Нуруллоҳ Шарипов
Мақолага баҳо беринг
Баҳолаганлар: 80
Рейтинг: 3.1
Теглар
t
×