Дунёнинг энг қиммат таркибга эга клублари маълум қилинди

Англиянинг “Манчестер Сити” клуби дунёнинг энг қиммат таркибга эга футбол жамоаси, деб топилди. “Шаҳарликлар” сафидаги футболчиларнинг умумий баҳоси 1,1 миллиард еврога тенгдир. Бу ҳақда “Тransfermarkt” портали ёзмоқда.

“Сити” таркибида биргина Эрлинг Холанднинг ўзи 150 миллион еврога баҳоланмоқда. Шунингдек, Фил Фоден 90 миллион еврога баҳоланаётган бўлса, Кевин Де Брюйненинг трансфер нархи 85 миллион евро этиб белгиланган.

Иккинчи поғонага Англиянинг бошқа бир клуби “Ливерпуль” жойлашган. “Қизиллар”нинг футболчиларига 925 миллион евроли нарх берилган. “Ливерпуль”нинг энг қиммат футболчиси Муҳаммад Салоҳ ҳисобланади. Мисрлик ҳужумчи 90 миллион еврога баҳоланади. Луис Диас ва Трент Александер-Арнольдга 75 ва 80 миллион евроли нарх берилиган.

Кучли учликка Франциянинг гигант клуби ПСЖ якун ясаб берган. Париж юлдузларининг умумий қиймати 890 миллион еврога тенгдир. ПСЖ таркибидаги Килиан Мбаппенинг трансфер баҳоси 160 миллион евро этиб белгиланган. Килиан айни вақтда сайёрамизнинг энг қимматбаҳо футболчиси ҳисобланади.

Шунингдек, “Реал Мадрид” 838 миллион евроли нарх билан 6-ўринга жойлашган бўлса, “Барселона” 7-ўринни банд қилиб турибди. Каталония клуби футболчиларнинг умумий нархи 814 миллион еврони ташкил қилади.

Умуман олганда, сайёрамизнинг энг қиммат 20 та клубидан нақд  8 таси инглиз клубларидир.

“Тransfermarkt” талқинига кўра, дунёнинг энг қиммат 10 та клуби билан танишинг:

1. “Манчестер Сити” (давлат – Ангилия), (нарх – 1,1 миллиард евро);

2. “Ливерпуль” (Англия), (925 миллион евро);

3. ПСЖ (Франция), (890 миллион евро);

4. “Бавария” (Германия), (879 миллион евро);

5. “Челси” (Англия), (862 миллион евро);

6. “Реал Мадрид” (Испания), (838 миллион евро);

7. “Барселона” (Испания), (814 миллион евро);

8. “Манчестер Юнайтед” (Англия), (798 миллион евро);

9. “Тоттенхэм” (Англия), (685 миллион евро);

10. “Арсенал” (Англия), (666 миллион евро);

11. “Атлетико Мадрид” (Испания), (612 миллион евро);

12. “Интер” (Италия), (593 миллион евро);

13. “Милан” (Италия), (551 миллион евро);

14. “Астон Вилла” (Англия), (506 миллион евро);

15. “Ювентус” (Италия), (502 миллион евро);

16. “РБ Лейпциг” (Германия), (484 миллион евро);

17. “Боруссия Дортмунд” (Германия), (483 миллион евро);

18. “Наполи” (Италия), (481 миллион евро);

19. “Вест Хэм” (Англия), (472 миллион евро);

20. Байер (Германия), (470 миллион евро).