Дунёда илк марта аёл кишининг бойлиги 100 млрд доллардан ошди
Олам
−
29 Декабрь 2023 16194
L'Oreal асосчиси, француз косметика компанияси директорлар кенгаши раиси ўринбосари Франсуаза Бетанкур-Майерснинг набираси дунёдаги бойлиги 100 миллиард доллардан ошган биринчи аёл бўлди. Бу ҳақда “Bloomberg” хабар берди.
“Bloomberg”нинг миллиардерлар индексига кўра, унинг бойлиги 28 декабрда 100,2 миллиард долларга кўтарилган. Бу L'Oreal акцияларининг рекорд баҳоси фонида юз берди.
Бетанкур-Майерс ва унинг оиласи компаниянинг 33 фоизига эгалик қилади.
“Bloomberg”нинг таъкидлашича, Бетанкур-Майерснинг соф бойлиги ҳали ҳам унинг ватандоши, LVMH гуруҳи раҳбари Бернард Арноникидан анча паст. “Bloomberg” унинг бойлигини 179,4 миллиард долларга баҳолаган.
L'Oreal косметика компанияси 1909 йилда Эжен Шюлле томонидан ташкил этилган. Бетанкур-Майерс онаси Лилиана Бетанкур вафотидан сўнг бойиб кетди, ундан L'Oreal компаниясининг 33 фоизи мерос бўлиб қолди.
Аллақачон 2018 йилда Франсуаза ва унинг оиласи Forbes рейтингида 42,2 миллиард доллар билан дунёнинг энг бой одамлари рейтингида 18-ўринни эгаллади.
Шу билан бирга, компания ўн йилдан ортиқ вақт давомида энг яхши савдо ўсишини намойиш этди, натижада 2019 йилга келиб Бетанкур-Майерс ўз бойлигини 7,1 миллиардга оширди.
2023 йилда "Forbes" Бетанкур-Майерснинг соф бойлигини 99,9 миллиард долларга баҳолаган.
Live
Барчаси