Дезире Дуэ “Golden Boy” совринини қўлга киритди

Франциянинг ПСЖ клубининг ҳужумкор ярим ҳимоячиси Дезире Дуэ Италиянинг “Tuttosport” нашри томонидан тақдим этилган нуфузли “Golden Boy 2025” мукофотига сазовор бўлди. Бу ҳақда SI нашри хабар берди.

Чемпионлар лигаси, UEFA Суперкубоги, Франция чемпионати ва Франция кубоги ғолиби бўлган Дуэ мутахассислар овозига кўра, 2025 йилнинг энг яхши ёш футболчиси бўлди. “Ренн” клубининг собиқ футболчиси Ламин Ямалдан кейин ушбу нуфузли мукофот соҳибига айланди.

20 ёшли ярим ҳимоячи жорий йилнинг 31 май куни ПСЖ билан Чемпионлар лигаси кубогини ҳам қўлга киритган ва финалда Миланнинг “Интер” клубига қарши ўйинда икки гол урган эди.

2025 йилги “Golden Boy” совринида Дуэ бошқа иқтидорли ёш футболчилар  Пау Кубарси, Заир-Эмери, Дин Хёйсен, Арда Гюлер ва Франко Мастантуоно каби номзодларни ортда қолдирди. Франциялик футболчи Ламин Ямаль ва Жуд Беллингемдан кейин ушбу совринни қўлга киритмоқда.

Маълумот учун, ушбу соврин 2003 йилда Италиянинг “Tuttosport” газетаси томонидан яратилган бўлиб, Европа олий лигаларида ўйнаётган энг ёрқин ёш футболчиларни тақдирлашга мўлжалланган. Бу мукофот “Олтин тўп” тақдирлаш маросимидаги “Копа” совринидан бироз фарқ қилади. “Golden Boy” соврини тўлиқ календарь йили ҳисобига берилади. Овоз беришда Франция, Испания, Англия, Португалия ва бошқа давлатлар вакиллари иштирок этади. “Копа” эса мавсум учун топширилади. Бу совринга овоз беришда фақат “Олтин тўп” эгалари қатнашади.

Эслатиб ўтамиз, аввалроқ Европа футболининг 21 ёшгача бўлган энг яхши футболчисига бериладиган “Golden Boy” соврини учун 25 нафар номзодлар рўйхати эълон қилингани ҳақида хабар берилган эди.