Деновдаги портлаш даҳшати 2 км узоқликдаги офис камерасида ҳам акс этди (видео)

Жамият

image

Хабарингиз бор, бугун, 7 декабрь куни Сурхондарё вилоятининг Денов туманидаги савдо мажмуасида портлаш юз берган эди. Ижтимоий тармоқларда портлаш рўй берган ҳудуддан 2 км узоқликда жойлашган офис кузатув камералари хотирасига муҳрланган кадрлар эълон қилинди. 

Лавҳада портлаш содир бўлган вақтда унинг зарбидан офис эшиги очилиб кетганини, яна бир лавҳада эса худди зилзила бўлганидек ҳолат кузатилганини кўриш мумкин. 

Қолаверса, портлаш шовқини 2 километр узоқликда жойлашган офис шу қадар яққол эшитилганидан унинг нақадар даҳшатли бўлганини пайқаш қийин эмас. 

Маълумот учун, портлаш соат 03:57да Денов шаҳри Мустақиллик кўчасида жойлашган 2 қаватли “Инденим” савдо мажмуаси биносида содир бўлган. Портлаш натижасида савдо мажмуаси биноси деворлари қулаб тушган.

Ёнғин-қутқарув бўлинмалари соат 04:02 да воқеа жойига етиб бориб, чақнаш натижасида содир бўлган ёнғинни соат 04:25 да  ўчирган.

Ҳодиса жойига Ўзбекистон Республикаси Бош вазирининг биринчи ўринбосари Очилбой Раматов бошчилигидаги Ҳукумат комиссияси сафарбар этилган.

Ҳукумат комиссияси таркибига ИИВ, ФВВ, Миллий Гвардия, Соғлиқни сақлаш вазирлиги ва бошқа идоралар вакиллари киритилган.

Ҳозирда мазкур ҳолат юзасидан дастлабки терговолди суриштирув ишлари олиб борилмоқда.

Воқеада 10 га яқин одам жароҳатланди. Ҳозиргача олинган маълумотларга кўра, вайроналар остидан икки кишининг жасади топилган. 


Мақола муаллифи

Теглар

Баҳолаганлар

1948

Рейтинг

3

Мақолага баҳо беринг

Дўстларингиз билан улашинг