Буюк Британияда дунёдаги энг катта қуён ўғирлаб кетилди

Бу қизиқ

−

13 Апрель 2021 visibility7716

Буюк Британияда Дариус исмли дунёдаги энг катта қуён ўғирлаб кетилди. Эгаси унинг қайтиши учун 1 минг фунт (1,3 минг доллардан ортиқ) миқдорида мукофот таклиф қилмоқда. Бу ҳақида РИA Новости хабар берди

Танасининг узунлиги 129 сантиметрга етадиган жонивор Гиннеснинг рекордлар китобига дунёдаги энг катта қуён сифатида кирган.

Қуён ўз эгалари билан Англиянинг Вустершир графлигида яшаган. Полиция маълумотларига кўра, у якшанба куни кечқурун уясидан ўғирлаб кетилган.

Қуённинг эгаси Аннетт Эдвардс ўғрилардан жониворни қайтариб беришларини сўради ва мукофот пули таклиф қилди. Шунингдек, у қуён аллақачон насл бериш учун кексалик қилишини таъкидлаган.

Юлдуз Абдурашидова

Мақола муаллифи