Бутун тармоқ назоратда: UzAuto раҳбари Андижондаги таркибий корхоналарнинг муаммоларини ўрганмоқда

Бизнес 9072
image

“Ўзавтосаноат” АЖ бошқарув раиси Шавкат Умурзаков ўз ўринбосарлари ҳамда бошқарма бошлиқлари иштирокида Асака шаҳридаги “UzAuto Motors” заводи ва саноат корхоналари фаолиятини комплекс ўрганиш ишларини олиб бормоқда.

Пандемия билан боғлиқ глобал инқироз, шунингдек логистика ва геосиёсий муаммолар даврида автомобиль саноати бошқаларга қараганда жаҳон аренасида кузатилаётган ўзгаришларни диққат билан кузатиб бориши ва уларга тезда жавоб бериши керак. Бугунги кунда, дунёда хомашё ва автомобиллар нархининг ошиши, ишлаб чиқариш ҳажмининг қисқариши, заводлар фаолиятининг тўлиқ тугатилиши ёки қисман ёпилиши, ходимлар сонининг қисқартирилиши ва катаклизмларнинг бошқа салбий оқибатлари ҳақида хабарларнинг мунтазам ўқилиши одатий ҳолга айланди.

“UzAuto Motors” компанияси жаҳон автомобиль бозорида юзага келган оғир шароитга қарамай, юзага келган вазиятнинг жиддий таъсиридан қочишга муваффақ бўлди. Бу йил бутун автомобилсозлик саноати ва UzAuto Motors олдига харажатларни камайтиришнинг қўшимча усулларини топиш, йўқотишларни минималлаштириш ва автомобиль ишлаб чиқаришда максимал юқори кўрсаткичларга эришиш вазифаси қўйилди. Ушбу масалаларни ҳал қилиш UzAuto раҳбариятининг Асака шаҳрига ташрифи доирасида кун тартибининг асосий мавзусига айланди.

Шавкат Умурзаков Комплаенс хизмати билан яқин ҳамкорликда шахсан барча йўналишларни ўрганиб, корхона ходимлари билан суҳбатлашди. Ходимлар билан учрашув давомида белгиланган мақсадларга эришиш учун бутун жамоа қўллаб-қувватлашининг аҳамияти ҳамда барча ходимларнинг ўз ишидан мамнун бўлиши нақадар муҳим аҳамиятга эга экани алоҳида таъкидланди.

Логистика, таъминот занжири (Supply Chain), маҳсулот сифатини яхшилаш ва глобал инқироз оқибатларини юмшатишга қаратилган ва албатта, бизнес-режанинг бажарилишини атрофлича ўрганиш давомида, Шавкат Умурзаков барча асосий йўналишлар бўйича вазифаларни белгилаб берди.

Харидлар

Хомашё, бутловчи қисмлар ва логистика учун жаҳон нархларининг узлуксиз ўсиши харажатларни оптималлаштиришда доимий равишда машаққатли ҳаракатни талаб қилади. Ишлаб чиқариш харажатларининг ўсишига йўл қўймаслик, шунингдек, харажат сарфларини тежашнинг қўшимча усулларини ишлаб чиқиш билан бирга, "UzAuto Motors" компаниясининг барча импорт қилинадиган бутловчи қисмларининг нархини йилига қўшимча 21 млн АҚШ долларига, маҳаллийлаштирилган корхоналари харажатларини қўшимча 11 млн АҚШ долларига  камайтириш, пўлат нархини йилига қўшимча 8 миллион долларга камайтириш топшириғи берилди.

Хитой портларидаги катта тирбандликлар натижасида юзага келган логистика нархининг ошиши сабаб боғлиқ мураккаб вазият компаниядан ушбу йўналишни, шу жумладан, бошқа харажатлар билан биргаликда йилига қўшимча 12,5 миллион долларга оптималлаштириш бўйича туб қарорлар қабул қилишни талаб қилади.

Ишлаб чиқариш

"UzAuto Motors" пресслаш, пайвандлаш, бўяш ва йиғиш цехлари фаолиятини таҳлил қилиш асосида завод самарадорлигини 92 фоизга ошириш ва Асака шаҳридаги "UzAuto Motors" заводида ишлаб чиқариш ҳажмини 6 ой давомида 120 минг дона автомобилга кўпайтириш топшириғи берилди.  Бундан ташқари, алоҳида Chevrolet Tracker автомобилларини ишлаб чиқаришнинг тўлиқ циклини ишга туширишни тезлаштириш, шунингдек, SKD (тўлиқ узелли йиғиш) цехини такомиллаштириш ва кунлик ишлаб чиқариш ҳажмини 250 донагача ошириш топширилди. Жараёнларни оптималлаштириш натижасида қўшимча инвестицияларни жалб қилмасдан маҳсулот таннархини 33,5 млрд сўмга камайтириш кутилмоқда.

Таъминот занжири (UzAuto Motors)

Ташриф давомида, UzAuto бошқарув раҳбарига ушбу йўналишдаги фаолиятни такомиллаштириш бўйича амалга оширилган ишлар тўғрисида ҳисобот тақдим этилди. Ўрганишлар натижасида тегишли бўлинмалар раҳбарларига 2022 йилда бутловчи қисмларни ташиш учун фойдаланиладиган контейнерларни 988 тагача камайтириш ва йилига 12,127 минг АҚШ доллар маблағни тежашни амалга ошириш бўйича топшириқлар берилди. 

Ушбу кўрсаткичларга эришиш учун контейнерларни кичик ва йирик ўлчамли деталлар билан юклашни оптималлаштириш, Хитойдан деталларни темир йўлдан етказиб беришни автомобилда етказиб беришга ўтказишнинг иқтисодий таъсирини ўрганиб чиқиш, стратегик режа асосида кема ва вагонларда юкларни жойлаштиришни яхшилаш бўйича таклифлар тайёрлаш топшириғи берилди. 

Бундан ташқари, масъул шахсларга Chevrolet Tracker ва Onix автомобиллари учун бутловчи қисмлар етказиб беришни Бразилиядан Хитойга ўтказиш имкониятларини ўрганиш топширилди.

Савдо 

UzAuto раҳбарияти томонидан "UzAuto Motors" компаниясига сотув ҳажмини ошириш, хизмат кўрсатиш сифатини яхшилаш, экспортни ошириш ва сотув шароитларини яхшилаш бўйича вазифалар қўйилди. Хусусан, ички бозорда автомобилларни сотиш ҳажмини 291 минг донага кўпайтириш. Автомобиль экспортини 2 баробарга шунингдек, эҳтиёт қисмларни экспорт қилиш ҳажмини 1,2 баравар ошириш, савдо ходимлари олдига ички бозор учун Chevrolet автомобиллари эҳтиёт қисмларини 4 баробарга ошириш, барча дилерлик марказларини GM Original эҳтиёт қисмлари билан таъминлаш, шунингдек, автомобиль аксессуарлари қаторини кенгайтириш вазифаси қўйилди.

Ўзгаришлар компаниянинг мижозларга тайёр автомобилни етказиб бериш муддатини сезиларли даражада қисқартиришга таъсир ўтказиш билан бирга, дилерлик ходимларининг малакасини ошириш ва эҳтиёт қисмларни сақлашнинг автоматлаштириш даражасини кўтариш орқали мижозларга  хизмат кўрсатиш сифатини яхшилашга ҳам таъсир қилиши керак. “UzAuto Motors” Call-center марказини ўзининг мавжуд базасидаги мижозлар муаммоларини ҳал қилиш бўйича сўровлар ўтказиш, компания ва унинг дилерлик марказларининг фаолияти ҳақида мижозлар фикрини таҳлил қилишга қаратилган хизматларни яратиш билан модернизация қилиш топширилди.

Шавкат Умурзаков раислигида бўлиб ўтган кенгайтирилган ишчи йиғилишнинг асосий мавзуси 2022 йил учун бюджет ва бизнес-режа масалалари бўлди.

Автомобиль саноатининг юқори технологияли мураккаб жараёнлигини ҳисобга олган ҳолда, ҳеч қандай истисноларсиз автомобиль саноати жаҳон меҳнат тақсимоти ва таъминот занжирининг фаол иштирокчилари ҳисобланади: Жаҳон бозорининг олдиндан айтиб бўлмайдиган ҳозирги шароитида ҳеч қандай бренд ўзини тўлиқ таъминлай олмайди. “Ўзавтосаноат” бошқаруви раиси бу йилги бизнес-режада нафақат белгиланган мақсадларга эришиш, балки 2021 йилда ўтказиб юборилган нарсаларга ҳам жиддий эътибор қаратиш зарурлигига алоҳида эътибор қаратди.
 

Батафсил маълумот учун сайтимизга ташриф буюринг

 

Реклама ҳуқуқи асосида

.
Мақолага баҳо беринг
Баҳолаганлар: 52
Рейтинг: 3.1
t
×