Бугун уч ҳудудда чангли бўрон кўтарилиши мумкин – Ўзгидромет
Жамият
−
19 Декабрь 2021 22041
Бугун, 19 декабрь куни соат 13:00 дан 15:00 гача Тошкент, Жиззах, Сирдарё вилоятларида ёмғир ёғишидан олдин шамолнинг кучайиши мумкин, баъзи жойларда қисқа муддатга чангли бўронлар кўтарилиши кутилмоқда.
Гидрометеорология хизмати маркази прогнозига кўра 19 декабрь куни Ўзбекистон ҳудудларининг баъзи жойларда ёмғир ва шамолнинг 15-20 м/с гача кучайиши прогноз қилинган.
Ҳақиқатда Хоразм, Бухоро, Навоий, Самарқанд, Қашқадарё вилоятларида эрталаб ва куннинг биринчи ярмида ёмғир ёғиши ва шамолнинг кучайиши кузатилди.
Навоий, Самарқанд, Жиззах вилоятларининг баъзи туманларда ёмғир ёғишидан олдин шамолнинг кучайиши чангли бўронларнинг кўтарилишига ва кўринувчанликни ёмонлашишига олиб келди. Қашқадарёда ҳам кучли шамол чанг кўтарилиши сабаб бўлди.
Live
Барчаси