Бугун Роналду 35 га тўлди. У 40 ёшигача футбол ўйнай оладими?

Спорт

image

Италиянинг "Ювентус" клубининг португалиялик ҳужумчиси Криштиану Роналду 40 ёшига қадар профессионал даражада ўйнашлигини билдирди. Бу ҳақда “Tuttosport” нашри ёзмоқда.

Бугун, 5 февраль куни "Олтин тўп"нинг беш карра ғолиби ўзининг 35 йиллигини нишонламоқда.

“Кўп нарса ўзимни қандай ҳис қилишимга, мотивацияга боғлиқ бўлади. Чунки жисмоний кўрсаткичлар нуқтаи назаридан, бу ҳеч қачон муаммо бўлмаган. Мен 40 ёшгача муаммосиз ўйнай оламан, деб ўйлайман", деди Роналду.

Aммо футболчининг фикрига кўра, энг муҳими бу психологик омил.

“Қандай бўлмасин, ҳамма нарсанинг боши ва охири бор, шунинг учун мен бутун умр футбол ўйнай олмайман, аммо барибир мазмунли ютуқларга эришишда давом этаман", деб қўшимча қилди ҳужумчи.

Маълумот ўрнида, Криштиа́ну Рона́лду душ Са́нтуш Аве́йру 1985 йилнинг 5 февраль куни Португалиянинг Фуншал шаҳрида туғилган. У оилада тўртинчи фарзанд бўлган. Роналду исми Португалияда кам учрайди. Отаси уни АҚШнинг 40-Президенти Рональд Рейган шарафига шундай номлаган.

2010 йил россиялик супермодель билан муносабат ўрнатди, аммо жуфтлик 2015 йилнинг январида ажрашди. 2010 йилнинг 17 июнь куни у ота бўлди, кичик Криштиану суррагат йўл билан дунёга келди. 2017 йилнинг март ойида футболчи эгиз кутаётгани ҳақида маълумотлар пайдо бўлди. Шу йилнинг 5 июнь куни АҚШда унинг Ева ва Мэтью деб номланган фарзандлари дунё юзини кўришди. 2017 йилнинг 12 ноябрида Жоржина Родригес исмли аёл унга қиз фарзанд туғиб берди.

Футболчи фаолияти давомида "Манчестер Юнайтед" сафида уч марта Aнглия чемпионлигини қўлга киритган. Чемпионлар Лигаси совриндори. “Реал” билан икки марта Испания чемпиони, тўрт марта Чемпионлар Лигаси ғолибига айланган. "Ювентус" билан бирга мамлакат чемпионлигини ва Италия Суперкубогини ютиб олди. Португалия миллий жамоаси билан Европа чемпионати ва УЕФA Миллатлар Лигасида ғолиб чиққан.

Ушбу мавсумда Роналду "Юве" сафида 27 та ўйин ўтказди, 22 та гол урди ва 3 та голга ассистентлик қилди.

Эслатма ўрнида, бугун футбол оламининг юлдузлари ҳисобланмиш Неймар ва Тевеснинг ҳам туғилган кунлари ҳисобланади. Нейма́р да Си́лва Са́нтос Жу́ниор 1992 йилнинг 5 февраль куни Бразилиянинг Сан-Паулу шаҳрида таваллуд топган. 

Аргентиналик ҳужумчи Ка́рлос Альбе́рто Марти́нес Те́вес 1984 йилнинг худди шу куни мамлакатнинг Сьюдадела шаҳрида дунёга келган. 


Мақола муаллифи

Теглар

Ювентус Криштиану Роналду

Баҳолаганлар

86

Рейтинг

3

Мақолага баҳо беринг

Дўстларингиз билан улашинг