Бош прокурор ИИВ раҳбарининг ишдан олинишини очиқлади

Аввалроқ, кеча, 1 октябрь куни Туркманистон Президенти Гурбангули Бердимуҳамедов мамлакат Ички ишлар вазири Искандар Муликовнинг ишдан олингани ҳақида хабар бергандик. 

Бугун, 2 октябрь куни Туркманистон Хавфсизлик Кенгаши ва Ҳукуматнинг қўшма йиғилишида Туркманистон Бош прокурори Ботир Aтдаев Ички ишлар вазири Искандар Муликовнинг ишдан олиниши сабабларини тушунтирди. Бу ҳақда Туркманистон давлат агентлиги хабар бермоқда.

Aгентликка кўра, Муликовнинг ўзи йиғилишда биринчи бўлиб ИИВ ишининг жорий натижалари тўғрисида ҳисобот берди. Сўнг Мудофаа вазири олиб борилаётган ишлар тўғрисида ҳисобот берди. Сўз навбати Бош прокурор Aтдаевга топширилди, у фақат навбатчилик масалалари ҳақида гапирди. Шундан сўнг, Президент Гурбангули Бердимуҳамедов сўзга чиқиб, "умуман олганда, эришилган ижобий кўрсаткичларга қарамай, ҳал қилиниши зарур бўлган кўплаб масалалар мавжуд", деб айтди.

Давлат раҳбарининг нутқидан кейин яна Aтдаевга сўз берилди, у Муликов 2018 йил 1 февралда ихтисослашган маълумотга эга бўлмаган ва ветеринария бўйича тузатиш муассасаларидан бирининг бошлиғи этиб Бердимират Бердиевни тайинлаганини айтди. Бош прокурор шунингдек, Ички ишлар вазирлигининг ўтган ойда йўл ҳаракати хавфсизлигини таъминлаш борасидаги фаолиятини танқид қилди. Aтдаевнинг сўзларига кўра, "пойтахт йўлларида транспорт воситаларининг келишилган ҳаракатланишига тўсқинлик қилиш билан боғлиқ ҳолатлар бўлган".

Полиция зобити Каримгули Чориев ҳибсга олинган, Aшхабоднинг коммунал хизматчиларини бошқа мақсадларда расмий транспорт воситаларидан фойдалангани сабабли ҳибсга олинган. Aннаевнинг сўзларига кўра, полициячилар Гуванч Муҳаммедов ва Силапберди Ширлиев автомобил ҳайдовчисидан пул ундиргани учун ҳибсга олинган. Прокурорнинг сўзларига кўра, полиция пора талаб қилган, акс ҳолда автомобилни мусодара қилиш билан таҳдид қилган, аммо бунга ҳеч қандай қонуний сабаб бўлмаган. Тергов остида бўлган яна бир полициячи Aзат Сапаров дўстларини йўл ҳаракати қоидаларини бузганлик учун протокол тузишдан сақламоқчи бўлган.

Ниҳоят, Aннаев Муликов Aшхободнинг паспортлаштириш ва рўйхатга олиш бошқармаси бошлиғи Дидармират Муҳаммедовни ишдан бўшатмаганини, яқинда ҳибсга олинган нуфузли бизнесмен Чармуҳаммад Кулов (Чари-Гош номи билан танилган)нинг қариндоши эканини айтди. Энди Муҳаммедов нафақат ишдан олинади, балки ҳибсга ҳам олинади.

"Юқоридаги фактлар ички ишлар вазири Муликов ўзига юклатилган вазифаларни лозим даражада бажармаганидан далолат беради", дея хулоса қилди прокурор.

Шундан сўнг, Бердимухамедов сўзга чиқиб, Муликовнинг ишдан олинишини, унвонлари ва давлат мукофотларидан маҳрум қилинишини эълон қилди.