БМТнинг Инсон ҳуқуқлари ташкилоти Россияни “қувиб”, Чехияни қабул қилди

Олам 4489
image

Бугун, 10 май куни Бирлашган Миллатлар Ташкилоти Бош Ассамблеяси Инсон ҳуқуқлари бўйича кенгаши (ИҲК)га ташкилотдан чиққан Россия ўрнига Чехияни киритди. Бу ҳақда ТАСС хабар берди.

Қайд этилишича, 7 апрель куни Бош Ассамблеянинг Украина бўйича навбатдан ташқари сессиясида Россиянинг ИҲКдаги аъзолигини тўхтатиб туриш тўғрисида Ғарб резолюцияси қабул қилингандан сўнг, Чехия бир гуруҳ Шарқий Европа давлатларидан бу ўрин учун ягона номзод бўлди.

Сайланиш учун мамлакат 97 та овоз тўплаши керак бўлса-да, овозлар сони 157 тага етди. Чехия 2023 йил 31 декабргача ИҲКдаги ўз вазифаларини бажариши кутилмоқда.

ИҲК БМТ тизимининг ҳукуматлараро органи ҳисобланади. У 2006 йилда Инсон ҳуқуқлари бўйича комиссия ўрнига яратилган. Кенгаш таркибига 47 штат киради, уларнинг ҳар бири Бош Ассамблея томонидан уч йил муддатга кўпчилик овоз билан бевосита яширин овоз бериш йўли билан сайланади.

Эслатиб ўтамиз, 7 апрель куни БМТ Бош Ассамблеяси Россиянинг Украинадаги махсус операцияси туфайли Россиянинг БМТ Инсон ҳуқуқлари бўйича қўмитасидаги фаолиятини тўхтатувчи резолюцияни қабул қилди. Бош Ассамблеянинг қарори Россия Федерациясини овоз бериш ва Кенгашда нутқ сўзлаш ҳуқуқидан маҳрум қилди. Бунга жавобан Россия ИҲКдаги ваколатларини муддатидан олдин тугатаётганини эълон қилди. Шундай қилиб, Россия ИҲКда кузатувчи мақомига ўтди, бу унга ўз ишида иштирок этишни давом эттириш, ўз ташаббусларини тақдим этиш ва резолюция лойиҳалари бўйича музокараларда қатнашиш имконини беради.

Юлдуз Абдурашидова
Мақолага баҳо беринг
Баҳолаганлар: 82
Рейтинг: 3
t
×