Аргентинада вице-президент олти йилга қамалди
Олам
−
07 Декабрь 2022 4218
Аргентинанинг иккинчи Федерал суди вице-президент ва мамлакат собиқ раҳбари Кристина Фернандес де Киршнерни коррупцияда айбдор деб топиб, олти йилга озодликдан маҳрум қилди. Бу ҳақда Аргентинанинг Ambito Financiero газетаси хабар берди.
Бундан ташқари, суд Киршнерни коррупция иши бўйича умрбод давлат лавозимини эгаллаш ҳуқуқидан маҳрум қилган.
Жорий йилнинг 23 август куни прокурор Диего Луcиани Фернандес де Киршнерга 12 йил қамоқ жазосини сўраган.
Маълумот ўрнида, 2016 йилнинг май ойида Аргентина вице-президентига нисбатан жиноий иш қўзғатилгани эълон қилинди. Кейин судя Клаудио Бонадио уни, собиқ иқтисодиёт вазири Алекс Кисиллофа ва Марказий банкнинг собиқ раҳбари Алехандро Ванолини фючерс савдоларида долларни арзонроқ нархда сотишда айблаган. Ҳар бирининг 1 миллион долларлик мол-мулки мусодара қилинган.
Соҳиба Комиловна
Live
Барчаси