Андижондаги кўп қаватли уйда портлаш содир бўлди

Андижон шаҳридаги уйларнинг бирида портлаш оқибатида ёнғин содир бўлди. Вилоят ҳокимлиги ҳолат юзасидан расмий муносабат билдирди.

Маълум қилинишича, бугун, 12 март куни соат 17:22 да Андижон шаҳар 1-кичик даҳа 1-кўп қаватли уйнинг 9-хонадонида чақнаш содир бўлиб, ёнғин келиб чиққан. Содир бўлган ёнғиндан яшаш хонадонининг 50 кв.м. майдонда уй-рўзғор буюмлари ёниши ҳамда чақнаши оқибатида уй эгаси М.М. ва унинг 2014 йилда туғилган набираси М.Ж. 50 фоиз куйиш-тан жароҳати билан вилоят РШТЁИМ куйиклар бўлимига жойлаштирилган. 

Андижон шаҳар ФВБ қутқарувчилари воқеа жойига соат 17:25 да етиб бориб, 17:28 да ёнғин ўраб олинган. Воқеа жойига 4 та асосий 1 та махсус ёнғин қутқарув автомобиллари жалб этилган. Ёнғин соат 17:40 да батамом ўчирилган.
 
Ёнғиндан кўп қаватли уйнинг тахминан 1200 метр квадрат майдонда том қисми ва қўшни хонадонлар сақлаб қолинган. Ёнғинга 4 та ЁҚEлари ва 1 та АЛ-30 автонарвони жалб этилган.