АҚШ фуқароси Месси ва Бекхэмнинг касрига қолди
Спорт
−
17 Август 2023 12727
АҚШ ресторанларидан бирида “Интер Майами” клуби эгаси Дэвид Бекхэм ва жамоа сардори Лионель Мессини суратга олишда гумон қилинган фуқаро ресторан қўриқчилари томонидан калтакланди. Бу ҳақда “Daily Mail” хабар берди.
Манбага кўра, муассаса хавфсизлик хизмати эркакни футбол юлдузларини суратга олишга урингани учун уни залдан чиқариб, калтаклаган.
Жабланувчининг айтишича, у оила аъзолари билан ресторанга қизининг туғилган кунини нишонлаш учун борган. Фуқаро ўз қизи ва аёлини суратга олиш ниятида бўлган.
“Юзимга мушт тушириб, ҳайдаб юборишди. Мен Месси ёки Бекхэм билан эмас, балки оилам билан суратга тушмоқчи эдим”, дейди жабрланувчи.
Қайд этилишича, ўша вақтда Бекхэм ва Месси жанжал ҳақида ҳеч нарсани билмаган ва улар оқшомни ажойиб тарзда ўтказган.
Маълумот учун, Месси июль ойида “Интер Майами”га кўчиб ўтган эди. У МЛС клубидаги 6 та ўйинда 9 та гол урди.
Live
Барчаси