Нефтга бурканган Жонсон, аланга ичидаги Калифорния, аросатдаги ироқлик она – ҳафта суратлари

Бу ҳафта дунё миқёсида қизиқдан-қизиқ воқеалар юз берди. Қайсидир давлатда вулқон портлади, бошқа ерда тайфун кузатилди. Бир тарафни сув босди, бир тарафда эса ҳамон ўрмон ёнғинлари. 

Минг марта эшитгандан бир марта кўрган яхши, шундай эмасми? QALAMPIR.UZ ҳафтанинг энгим муҳим ва қизиқарли воқеаларини акс эттирган суратларни жамлади.

11 октябрь: “Greenpeace” экоҳаракати аъзолари Буюк Британия Бош вазири Борис Жонсоннинг ҳайкалига нефть суртиб чиқди.

12 октябрь: Испания қироллик гвардияси Мадридда Испания миллий кунига бағишлаб ўтказилган ҳарбий парадда иштирок этди. 

12 октябрь: Калифорниядаги Рефухио жарлигида ёнғин содир бўлди.

13 октябрь: Гонгконгга тайфун ёпирилди. Оқибатда бир киши ҳалок бўлди, 20 киши жароҳатланди. Мактабларда машғулотлар тўхтатилди, фонд бозоридаги савдолар бекор қилинди.

14 октябрь: Калифорниядаги Алисал ўрмонидаги ёнғинлар ўчирилмоқда.

14 октябрь: Паранжига ўранган аёл Қобулдаги Чавоқ бозори олдидаги такси юкхонасида. Автомобиль ойнасига шундай сўзлар битилган: "Худо ҳаққи, урушишни бас қилинг".

15 октябрь: Греция пойтахти Афина кўчалари кучли ёмғир туфайли сув остида қолди.

15 октябрь: ироқлик муҳожир аёл Беларусь ва Польша чегарасида тўхтатилгач, болалари билан ерда ўтирибди. Польша Беларусь орқали келган мигрантларни тутиб ортга қайтармоқда. 

16 октябрь куни Бухоро шаҳрида бокс бўйича ёшлар ўртасидаги Ўзбекистон чемпионати якунланди. Боксчилар янгиланган 13 та вазн тоифасида ғолиблик учун баҳс олиб борди. 63,5 кг вазн тоифасида Жавоҳир Умматалиев (Динамо СК) Хусан Турдалиевдан (Тошкент вилояти) устун келди.

16 октябрь: Ўзбекистон Президенти Шавкат Мирзиёев Тошкент вилояти Чирчиқ шаҳридаги “Кимёгарлар” маданият саройини бориб кўрди.

16 октябрь: Лондоннинг жануби-ғарбий қисмидаги Ричмонд Паркдаги буғу.

16 октябрь: Нобель мукофоти совриндори, “Новая газета” бош муҳаррири Дмитрий Муратов Москвада кутиб олинди.

12 октябр: Лондондаги Христофор Колумб ҳайкали вандаллар ҳужумига учради. Улар ҳайкални қизил бўёқ билан бўяган.

14 октябрь куни Байрутда 2020 йилда бандаргоҳда юз берган портлашни тергов қилишдан норози шиа партияларининг намойиши вақтида отишма содир бўлди. Гувоҳларнинг сўзларига кўра, тартибсизликларни бинолардан биридан ўқ узган снайпер қўзғатган. Отишма оқибатида камида олти киши ҳалок бўлган, ўнлаб одам жароҳатланган.