“Ҳамма идорасини олдини тозаласин”. Самарқанд ҳокими ходимларни қор курашга чақирди (видео)
Жамият
−
10 Январь 2023 11245
Бугун, 10 январь куни Самарқанд вилояти ҳокими Эркинжон Турдимов йиғилиш ўтказиб, шаҳарда қорлар куралмаганини айтиб, вилоятдаги барча мутасаддиларни танқид остига олди.
“Эрталаб идорага келсак, йўллар тозаланмаган ҳаммаёқ қор. Булар уйда ухлаб ётибди. Шаҳар аравасини ким тортади. Сен нима қиляпсан бу ерда. Чиқиб кет залдан. Қорни кура бориб. Бугун ўтирадиган кун эмас. Қор кураш керак”, дея Эркинжон Турдимов ходимларни қор курашга чақирган.
Шунингдек, вилоят ҳокими бир неча мутасаддини йиғилиш жойидан берилган топшириқни бажариш учун чиқариб юборган. Турдимов агар йўллардаги қор ўз вақтида тозаланмаса, бу автоҳалокатларга сабаб бўлиши ва инсонларнинг ўлимига олиб келишини таъкидлаган.
“Ҳамма шанбаликка чиқсин. Ҳамма идорасини олдини тозаласин”, дея қўшимча қилган ҳоким йиғилишда.
Озода Чориева
Live
Барчаси