DENZA Ўзбекистонда расман тақдим этилди: премиал мобилликнинг янги саҳифаси

6 июнь куни Тошкент шаҳрида йилнинг энг кутилган автомобиль саноати воқеаларидан бири — премиал автомобиль бренди DENZA’нинг Ўзбекистондаги расмий тақдимоти бўлиб ўтди. Кимёгарлар маданият саройида ташкил этилган махсус тақдимот кечасида бренд замонавий премиал мобилликка бўлган ўз қарашини намоён этиб, илғор технологиялар, интеллектуал қулайлик ва нафис дизайнни уйғунлаштирди.

Жаҳон автомобиль саноати жадал суръатларда ўзгариб бораётган бир пайтда, DENZA XXI аср премиал сегментига янгича ёндашувни таклиф этмоқда. Бугунги кунда премиаллик мақом билан эмас, балки таассуротлар сифати, инновациялар, хавфсизлик, қулайлик ва ҳар бир жиҳатга бўлган эътибор билан белгиланади. Бренд айнан шу фалсафани ўзининг глобал тамойили — Technology Drives Elegance (“Технологиялар нафосатни яратади”) орқали ифода этади.

2010 йилда BYD ва Mercedes-Benz компанияларининг қўшма лойиҳаси сифатида ташкил этилган DENZA илғор муҳандислик ечимлари ҳамда автомобиллар яратишдаги премиал ёндашувни бирлаштирди. Бугунги кунда бренд BYD’нинг премиал бўлинмаси сифатида фаолият юритиб, технологик мобилликнинг янги стандартларини шакллантирган ҳолда халқаро миқёсда ўз иштирокини кенгайтирмоқда.

Кеча концепциясида Мадина Касимбаева томонидан асос солинган Suzani by Kasimbaeva бренди билан ҳамкорлик алоҳида ўрин эгаллади. Тадбир макони Ўзбекистоннинг маданий мероси ва келажак технологияларини бирлаштириб, анъаналар, каштачилик маҳорати ва инновациялар ўртасида ўзига хос мулоқот муҳитини яратди. Бу уйғунлик DENZA фалсафасининг ёрқин ифодаси бўлиб, унда меросга бўлган ҳурмат тараққиётга интилиш билан мутаносиб равишда уйғунлашади.

Кечанинг асосий воқеаларидан бири BYD Group’нинг Марказий Осиё бўйича минтақавий бошқарув директори Иван Цаонинг чиқиши бўлди. Унинг таъкидлашича, Technology Drives Elegance фалсафаси ҳар бир DENZA маҳсулотининг асосида ётади ва бренд технологиялари инсонларнинг кундалик ҳаётини янада қулай, тушунарли ва ёқимли қилиш учун яратилган.

“DENZA учун технологиялар шунчаки инновация эмас, балки фойдаланувчилар учун янада қулай, интеллектуал ва илҳомлантирувчи тажриба яратиш воситасидир. BYD’нинг глобал тажрибаси ва технологик етакчилигига таянган ҳолда, биз Ўзбекистонда илғор технологиялар, нафис дизайн ва юқори имкониятларни ягона премиал маҳсулотда мужассам этган брендни тақдим этаётганимиздан мамнунмиз”,  деди Иван Цао.

Тақдимот доирасида DMO (Dual Mode Off-Road) технологик платформасига алоҳида эътибор қаратилди. Бу янги авлод гибрид архитектураси бўлиб, йўлсиз шароитларда ҳаракатланишга мўлжалланган автомобиллар учун махсус ишлаб чиқилган. Платформа электр автомобиль ва гибрид куч қурилмасининг афзалликларини ўзида мужассам этган бўлиб, юқори унумдорлик, самарадорлик, хавфсизлик ҳамда шаҳар ичида ҳам, унинг ташқарисида ҳам ишончли ҳаракатни таъминлайди. DMO платформасининг асосий устунликлари қаторига интеллектуал тўлиқ юритма тизими, оғирликнинг мувозанатли тақсимланиши, интеграциялашган Cell-to-Chassis (CTC) технологияси, шунингдек, ҳар қандай йўл қопламасида юқори даражадаги қулайлик ва назоратни таъминловчи замонавий шасси ва осма бошқарув тизимлари киради.

Кечанинг энг муҳим лаҳзаси DENZA B8 ва DENZA B5 моделларининг расмий премьераси бўлди. Ушбу автомобиллар Ўзбекистонда илк бор кенг жамоатчиликка намойиш этилди.

Флагман DENZA B8 интеллектуал премиал автомобил ҳақидаги янги тасаввурни ўзида мужассам этган бўлиб, кенг салон, юқори сифатли безак, замонавий рақамли технологиялар ва юқори даражадаги қулайликни таклиф этади. Автомобиль хизмат сафарлари учун ҳам, оилавий саёҳатлар учун ҳам бирдек мос келиб, ҳар бир деталгача ўйланган флагман даражасидаги қулайликни таъминлайди.

DENZA B5 эса интеллектуал премиал SUV моделларининг янги авлодини намоён этади. Модель динамик характер, замонавий технологиялар ва юқори универсалликни бирлаштирган бўлиб, шаҳар муҳитида ҳам, мураккаб йўл шароитларида ҳам ўзини ишончли намоён қилади. Инновацион DMO платформаси, интеллектуал бошқарув тизимлари ва таъсирчан йўлсизлик имкониятлари туфайли автомобиль фаол ҳаёт тарзини олиб борадиган ҳамда ҳаракат эркинлигини қадрлайдиган мижозлар учун мўлжалланган.

DENZA’нинг Ўзбекистонда иш бошлаши мамлакат автомобиль бозори учун муҳим воқеа бўлиб, янги авлод премиал автомобилларига бўлган қизиқиш ортиб бораётганини яна бир бор тасдиқлади. Бренднинг мамлакат бозорига кириб келиши премиал сегмент тараққиётида янги саҳифа очиб, мижозларга шунчаки автомобиль эмас, балки замонавий мобилликнинг яхлит экотизимини таклиф этади. Бунда илғор технологиялар инсон эҳтиёжларига мос равишда хизмат қилиб, ҳар бир сафарни янада хавфсиз, қулай ва ёрқин ҳис-туйғуларга бой қилади.

Technology Drives Elegance — бу шунчаки шиор эмас. Бу премиал мобиллик келажагини белгилаб берувчи фалсафадир.