Колумбиядаги авиаҳалокат қурбонлари 66 нафарга етди

Аввалроқ, Колумбияда аскарларни олиб кетаётган ҳарбий самолёт ҳалокатга учраб, 34 киши ҳолак бўлгани ҳақида хабар берилганди. Сўнгги маълумотларга кўра, ушбу ҳодиса қурбонлари сони 66 нафарга етди. Бу ҳақда “Caracol” хабар берди.

Нашрга кўра, ҳалок бўлганларнинг 58 нафари Миллий армия, 6 нафари Колумбия аэрокосмик кучлари ва 2 нафари Миллий полиция ходимлари бўлган. C-130 Hercules бортида тахминан 125 нафар ҳарбий хизматчи бўлган. 77 киши шифохонага ётқизилган.

Маълумот учун, ҳалокат кеча, 23 март куни содир бўлган. Самолёт Пуэрто-Легуизамодан Пуэрто-Асисга йўл олган бўлган.

Мудофаа вазири Педро Санчес самолёт парвоздан кўп ўтмай ҳалокатга учраганини, аэродромдан тахминан 1,5 километр узоқликда қулаганини айтган. Унинг сўзларига кўра, ташқи ҳужум аломатлари йўқ. Аммо самолётдаги ёнғин ҳарбийлар олиб юрган ўқ-дориларнинг бир қисмини портлатган.

Жабрланганларни эвакуация қилиш учун 2 та тиббий самолёт юборилган. Ярадорлар Нейва, Флоренция ва Боготадаги шифохоналарга юборилган.