Трамп ЖЧ-2026’да Фаластинни қўлловчи намойишларга рухсат берди

2026 йилда АҚШда ўтказиладиган футбол бўйича Жаҳон чемпионати давомида Фаластинни қўллаб-қувватловчи эҳтимолий норозилик намойишларига тўсқинлик қилинмайди. Бу ҳақда кеча, 7 май куни АҚШ Президенти Дональд Трамп Халқаро футбол федерацияси (FIFA) президенти Жанни Инфантино билан Оқ уйда ўтказилган матбуот анжуманида маълум қилди.

Трамп бу борадаги саволга жавоб берар экан, 2026-йилги Жаҳон чемпионати чоғида АҚШда Фаластин тарафдори бўлган намойишлар ўтказишга рухсат берилишини таъкидлаган.

“Одамлар норозилик билдириш ҳуқуқига эга. Аммо бу ақл билан, тартибли тарзда амалга оширилиши керак”, деган у.

Маълумот учун, ФИФАнинг 2026-йилги Жаҳон чемпионати 11 июндан 19 июлгача АҚШ, Канада ва Мексика ҳудудида бўлиб ўтади. АҚШга мусобақани томоша қилиш учун 8 миллиондан ортиқ мухлис ташриф буюриши кутилмоқда.

Эсалтиб ўтамиз, аввалроқ Дональд Трамп ва Жанни Инфантино Оқ уйда бўлиб ўтган учрашувда Россиянинг халқаро футбол мусобақалари, жумладан, бўлажак 2026 йилги Жаҳон чемпионатида иштирок этишини тақиқлаш масаласини муҳокама қилганди.