АҚШда бойларни ядровий урушдан ҳимояловчи бункер қурилади – ОАВ

АҚШнинг Виржиния штатида Вашингтон шаҳридан унчалик узоқ бўлмаган жойда дунёнинг энг бой 625 кишисини ядровий уруш ҳолатида ҳимоя қилиш учун Aerie (“Қуш ини”) номли ерости бункери қурилади. Бу ҳақда “The Daily Mail” хабар берди.

Маълумотларга кўра, бункерни қуриш учун сарфланадиган маблағ 300 миллион долларни ташкил этади. Унда бассейнлар, боулинг, скаляр девор ва сунъий интеллект асосида ишлайдиган тиббиёт тизимлари мавжуд бўлади.

“Меҳмонлар хотира эффекти билан матраслар, мармар пол ва элит курортлар билан рақобатлаша оладиган нозик ошхона ресторанларидан завқланишади”, дейилади хабарда.

Бункер деворлари бомбага чидамли бўлиши режалаштирилган ва ичкарида қуролланган хавфсизлик ходимлари ҳамда замонавий ҳаракат сезгичлари ўрнатилади. Бу эса ҳар қандай ташқи таҳдидларга қарши туриш ва аҳоли учун осойишталикни таъминлаш имконини беради.

Бункернинг қурилиши режасии SAFE (Strategically Armored & Fortified Environments) компанияси томонидан эълон қилинган ва лойиҳа 2026 йилда ишлаб чиқилиши кутилмоқда. Нашрга кўра, бундай лойиҳага қизиқиш билдирган шахслар орасида юлдуз Ким Кардашьян ва медиа магнат Марк Цукерберг ҳам бор.

“Бу фақатгина омон қолиш масаласи эмас, балки замонавий фаровонликни таъминлашдир”, дейди SAFE вакили.

Компания бу концепцияни АҚШнинг бошқа штатларига ҳам тарқатишни режалаштирмоқда. Мижозларга Aerie'да тўртта имтиёзли категория таклиф этилади. Маълумотларга кўра, ҳатто бошланғич даража ҳам “муваффақиятли” раҳбарларга мўлжалланган бўлиб, бункерга аъзолик фақат таклифнома асосида мавжуд бўлади.

Эслатиб ўтамиз, аввалроқ Сербия  Президенти Александр Вучич Сербия ўзининг армиясини кучайтириши ва ядровий уруш хавфи сабабли бомбаларга қарши бошпаналарини тайёрлаши кераклигини айтган эди.