Ўзбекистон делегациясининг Олимпиада лицензиялари 4 тага кўпайди

Спорт

−

08 Июль visibility5374

Бутунжаҳон енгил атлетика федерацияси Париж-2024 лицензион сикли якунланганини ва рейтинг орқали 4 йилликнинг энг нуфузли мусобақасига йўл олган спортчилар номини эълон қилди. Унга кўра, ўзбекистонлик 4 нафар енгил атлетикачи Париж-2024 Олимпиадасида иштирок этади. Бу ҳақда Ўзбекистон Миллий Олимпия қўмитаси (МОҚ) матбуот хизмати хабар берди.

Ўзбекистон терма жамоасининг 4 нафар аъзоси Анвар Анваров (узунликка сакраш), Екатерина Воронина (кўпкураш), Сафина Садуллаева (баландликка сакраш) ва Шарифа Давронова (уч ҳатлаб сакраш) рейтинг орқали Париж-2024 иштирокчилари қаторидан жой олди.

Ҳозирга келиб, Ўзбекистон делегациясининг Париж-2024 Олимпия ўйинлари учун йўлланмалари сони 73 тага етди. Бу кўрсаткич Олимпиада стартига қадар ўзгариши кутилмоқда.

Мақола муаллифи