Yaponiyaning Kyusyu orolida zilzila. U yerda atom elektr stansiyasi bor
Olam
−
10 may 2019 4741
Yaponiyaning Kyusyu orolida zilzila. U yerda atom elektr stansiyasi bor
Zilzilada qurbonlar yo‘q, biroq aholi sunami xavfidan ogohlantirilmoqda
Juma tongida Kyusyu orolining janubiy-sharqida kuchi 6.3 magnitudali yer qimirlashi kuzatilgan. NHK telekanalining xabariga ko‘ra, aholi zilzila qayta sodir bo‘lishi mumkinligi va sunami xavfidan ogohlantirilmoqda.
Kunchiqar yurt ommaviy axborot vositalarining ma’lum qilishicha, hozircha yer qimirlashidan zarar ko‘rganlar to‘g‘risida axborot kelib tushmagan. Mahalliy aholi vakillari ham qutqaruv xizmatiga bu borada murojaat qilishmagan.
Zilzila epitsentri hisoblangan Kyusyu orolida atom elektr stansiyasi mavjud. Kyushu Electric Power energetika kompaniyasi vakilining NHK telekanaliga bergan ma’lumotiga ko‘ra, tabiat hodisasi tufayli atom elektr stansiyasiga hech qanday zarar yetmagan va xavf kuzatilmayapti.
Live
Barchasi