O‘zbekiston hududiga salkam 45 kg giyohvandlik moddasini olib kirgan afg‘onistonliklar qo‘lga olindi
Jamiyat
−
25 may 2019 5037
Davlat xavfsizlik xizmati xodimlari va chegara qo‘shinlari harbiy xizmatchilari tomonidan o‘tkazilgan tezkor tadbir davomida Surxondaryo viloyati hududiga Amudaryo orqali noqonuniy o‘tgan Afg‘oniston fuqarolari - 1984 yilda tug‘ilgan O.Q. va 1997 yilda tug‘ilgan A.M. qo‘lga olindi. Bu haqda O‘zA nashri xabar bermoqda.
Tekshiruv davomida aniqlanishicha, ular 35 kg 345 gr opiy, 5 kg 21 gr gashish hamda 4 kg 51 gr geroin - jami 44 kg 417 gr miqdordagi giyohvand moddani mamlakatimiz hududiga olib kirmoqchi bo‘lgan.
Hozirda mazkur holat yuzasidan DXX Surxondaryo viloyati boshqarmasi tomonidan Jinoyat kodeksining 223, 273 va 246-moddalariga muvofiq jinoyat ishi qo‘zg‘atilib, tergov harakatlari olib borilmoqda.
Live
Barchasi
