Qo‘shnilarning yonma-yon turgan mashinalari yonib ketdi
Jamiyat
−
28 iyul 2019 5186
Qarshi shahar “Sho‘rtan” MFYda joylashgan ko‘p qavatli 5-uyning oldida turgan 2 ta yengil avtomobil – Nexia va Matiz yonib ketdi. Bu haqda Davlat yong‘in xavfsizligi xizmati xabar bermoqda.
Yengil avtomobillarda yong‘in sodir bo‘layotganligi haqida yong‘in-qutqaruv xizmatiga xabar kelib tushgan.
Ko‘rsatilgan manzilga 2 ta yong‘in o‘chirish avtoekipajlari jalb etilgan. Bo‘linmalar voqea joyiga soat 03:36 da yetib borgan va yong‘in soat 03:38 da qurshab olinib, soat 03:53 da to‘liq bartaraf etilgan.
Tan jarohati olganlar va halok bo‘lganlar yo‘q. Yong‘in oqibatida 5-uyda yashovchi fuqaro A.X.ga tegishli Nexia va Matiz rusumli avtomobillar zararlangan. Yong‘in holati yuzasidan tergov organlari tomonidan surishtiruv ishlari olib borilmoqda. Yong‘in sababi va moddiy zarar aniqlanmoqda.
Live
Barchasi
