Prokuror 7.500 dollar va do‘konni pora sifatida olmadi...mi?

Andijon viloyati, Paxtaobod tuman prokuraturasi tergovchisiga jinoyat ishini ijobiy hal qilib berishi uchun 27.500 AQSH dollari pora taklif qilgan fuqaro qo‘lga olindi. 

Gap shundaki, Paxtaobod tumani prokuraturasi ish yurituvidagi jinoyat ishi yuzasidan 1970 yilda tug‘ilgan fuqaro I.I. jinoyat ishining o‘ziga oid qismini ijobiy hal qilib berishi uchun jami 27.500 AQSH dollari taklif qilgan. Shundan 7.500 AQSH dollarini naqd shaklda hamda “J.S.K.” AJ hududidagi bozor narxi 20.000 AQSH dollariga teng bo‘lgan savdo do‘konini tergovchi aytgan fuqaro nomiga rasmiylashtirib berishni aytib pora taklif qilgan.

Ushbu holat yuzasidan tuman prokuraturasi tergovchisi viloyat prokurori nomiga fuqaro I.I. unga pora taklif qilayotganligi to‘g‘risida bildirgi bilan murojaat qilgan.

Fuqaro I.I. 21.05.2019 yilda tergovchiga kelishilgan 27.500 AQSH dollaridan 3.000 AQSH dollarini bergan hamda “J.S.K.” AJ hududidagi bozor narxi 20.000 AQSH dollariga teng bo‘lgan savdo do‘konini rasmiylashtirib berish uchun tergovchidan pasport nusxani olayotgan vaqtida viloyat prokuraturasi xodimlari tomonidan ashyoviy dalillar bilan ushlandi.

Mazkur holatlar yuzasidan I.I.ga nisbatan O‘zbekiston Respublikasi Jinoyat kodeksining tegishli moddasi bilan jinoyat ishlari qo‘zg‘atilib, tergov harakatlari o‘tkazilmoqda.