Namangan va Navoiy viloyati hokimlari taqdirlandi
Jamiyat
−
28 avgust 2020
10661O‘zbekiston Respublikasi Prezidenti Shavkat Mirziyoyevning “O‘zbekiston Respublikasi mustaqilligining yigirma to‘qqiz yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi farmoni bilan bir guruh hokimlar turli unvon va ordenlar bilan taqdirlandi.
Xususan, Namangan viloyati hokimi Bozorov Xayrullo Hayitboyevich “O‘zbekiston Respublikasida xizmat ko‘rsatgan iqtisodchi” faxriy unvoni bilan taqdirlandi.
Navoiy viloyati hokimi Tursunov Qobul Beknazarovich “Mehnat shuhrati” ordeni bilan mukofotlandi.
Samarqand viloyatining Kattaqo‘rg‘on tumani hokimi Baxramov A’zamxon Usmanovich “Fidokorona xizmatlari uchun” ordeniga munosib ko‘rildi.
Toshkent viloyati Bekobod shahar hokimi Fayzullayev Zafar Jarullayevich “Do‘stlik” ordeni bilan mukofotlandi.
Quyidagilar “Sodiq xizmatlari uchun” medali bilan mukofotlandi:
Adilov Jambul Agitayevich – Taxtako‘pir tumani hokimi, Qoraqalpog‘iston Respublikasi
Boyigitov Yo‘lchiboy O‘rinboyevich – Yozyovon tumani hokimi, Farg‘ona viloyati
Mirzakulov Batirjon Kazakbayevich – Sayxunobod tumani hokimi, Sirdaryo viloyati
Nematova Nargiza Isamiddinovna – Olot tumani hokimi, Buxoro viloyati
Boykarayev Asrol Ruziyevich – Koson tumani hokimi, Qashqadaryo viloyati
Salomov Sherali Husenovich – Qorako‘l tumani hokimi, Buxoro viloyati
Saparbayev Atabek Xudaybergenovich – Beruniy tumani hokimi, Qoraqalpog‘iston Respublikasi
Tamikayev Abdivaxob Ulashbayevich – Zangiota tumani hokimi, Toshkent viloyati
Urinov Shuxratjon Bekmaxmatovich – Termiz tumani hokimi, Surxondaryo viloyati
Xudayberdiyev Shunkor Farmonovich – Pastdarg‘om tumani hokimi, Samarqand viloyati
Shunindek, Andijon viloyati Baliqchi tumani hokimi Abdurayimov Jasurbek Odilovich, Samarqand viloyati Narpay tumani hokimi Jabborov Botir Shukurovich “Shuhrat” medali bilan taqdirlandi.
LiveBarchasi