Ronaldu 10 dona ishlab chiqarilgan sportkarlardan birini sotib oldi

Turinning "Yuventus" klubi hujumchisi Krishtianu Ronaldu Bugatti Centodieci avtomobilini sotib oldi, deya xabar berdi "Bild" nashri. 

Bugatti Centodieci sportkarining bahosi 9,5 million yevro turadi. Ma’lum bo‘lishicha, bunday rusumdagi avtomobillar dunyo bo‘yicha 10 dona ishlab chiqarilgan. Ushbu konsept Bugatti kompaniyasining 110 yilligi munosabati bilan ishlab chiqarilgan. Ronaldu yangi avtomobilini 2021 yilda sinab ko‘rishi mumkin.

Ma’lumot o‘rnida Ronalduda Mercedes-Benz C220 CDI, Mercedes-Benz C-Class, Porsche Cayenne, Audi Q7, Ferrari F430, Porsche 911 Carrera 2 S Cabriolet, Bentley GT, Audi R8, Audi RS6, Maserati GranCabrio, Ferrari 599 GTO, Porsche Cayenne Turbo, Lamborghini Aventador LP 700–4, Koenigsegg CCX, Rolls-Royce, Ferrari 599 GTB Fiorano, Bugatti Veyron, Aston Martin DB9, Aston Martin DB9 va Bugatti Chiron avtomobillar kolleksiyasi mavjud.