Oybek Qosimov yana MOQda ish boshladi
Sport
−
12 fevral 2020 9365
O‘zbekiston Respublikasi Jismoniy tarbiya va sport vazirining birinchi o‘rinbosari lavozimida faoliyat yuritib kelayotgan Oybek Qosimov lavozimidan ozod etilgani haqida xabar bergan edik. Oybek Qosimov yana Milliy Olimpiya qo‘mitasiga qaytdi. Bu haqda QALAMPIR.UZ manbasi xabar bermoqda.
Milliy olimpiya qo‘mitasi Bosh Assambleyasining navbatdan tashqari yig‘ilishi bo‘lib o‘tdi. Unda Oybek Qosimov nomzodi MOQ Bosh kotibi lavozimiga ilgari surildi va Qosimov yig‘ilish ishtirokchilari tomonidan lavozimga saylandi.
Eslatib o‘tamiz, Qosimov ushbu lavozimda 2018 yilning 16 yanvariga qadar faoliyat yuritgan. So‘ng 2018 yilning 16 yanvaridan shu yilning fevraliga qadar MOV birinchi vitse-prezidenti lavozimida ishladi. 2018 yilning fevralidan to bugungacha Jismoniy tarbiya va sport vazirining birinchi o‘rinbosari lavozimida ishlagan.
