Qozog‘istondan kelgan 1,1 ming o‘zbekistonlik harbiy nazoratda karantinga joylashtirildi
Jamiyat
−
27 mart 2020 6932
Markaziy harbiy okrug bo‘linmasi Qozog‘istondan kelgan 1157 nafar o‘zbekistonlikni xavfsizligini ta’minlashga jalb qilindi.
Joriy yilning 25 mart kuni 1157 nafar O‘zbekiston fuqarosi temir yo‘l orqali Qozog‘iston Respublikasidan Samarqand shahriga olib kelindi. Bu haqda Markaziy harbiy okrug Matbuot xizmati ma’lum qildi.
O‘zbekistonliklar qisqa fursatda Markaziy harbiy okrug qo‘mondonligi, viloyat hokimligi, Sog‘liqni saqlash boshqarmasi hamda soha mutaxassislari tomonidan Samarqand shahrida vaqtincha tashkil etilgan karantin maskaniga joylashtirildi.
30 ga yaqin shifokor tomonidan sog‘lig‘i tekshirilgan yigit-qizlar, ayollar hamda bolalar o‘zlari uchun ajratilgan hamda dizenfeksiya qilingan xonalarga joylashtirildi.
Karantindagi fuqarolarni xavfsizligini ta’minlash maqsadida Markaziy harbiy okrug harbiy xizmatchilari tomonidan patrullik qo‘riqlovi tashkil etildi.
