1 avgustdan import mashinalar uchun aksiz solig‘i bekor qilinadi
Jamiyat
−
03 iyun 2020 25307
2020 yil 1 avgustdan boshlab traktorlar, 10 yoki undan ortiq kishini tashishga mo‘ljallangan motorli transport vositalari, yengil avtomobillar va yuk tashishga mo‘ljallangan motorli transport vositalarini olib kirishda amalda bo‘lgan aksiz solig‘i stavkalari bekor qilinadi. Bu haqda Adliya vazirligi xabar berdi.
Qayd etilishicha, "Tashqi iqtisodiy faoliyatni yanada tartibga solish va avtotransport vositalarining ichki bozorini rivojlantirishni rag‘batlantirishga doir chora-tadbirlar to‘g‘risida" Prezident qarori (PQ–4739-son, 03.06.2020) qabul qilindi.
Qarorga muvofiq, 2020 yil 1 avgustdan boshlab 8701 (traktorlar), 8702 (10 yoki undan ortiq kishini tashishga mo‘ljallangan motorli transport vositalari), 8703 (yengil avtomobillar) va 8704 (yuk tashishga mo‘ljallangan motorli transport vositalari) TIF TN kodlar bo‘yicha transport vositalarini olib kirishda amalda bo‘lgan aksiz solig‘i stavkalari bekor qilinadi.
Ma’lumot uchun, O‘zbekiston Respublikasi hududiga olib kiriladigan, aksiz solig‘iga tortiladigan tovarlarga aksiz solig‘i stavkalari Prezidentning PQ-3818-son qarori bilan tasdiqlangan.
Live
Barchasi
