Levandovski “The Best”ga kimni munosib ko‘rgani ma’lum
Sport
−
18 yanvar 2022 4271
Avvalroq, FIFA 2021 yilning eng yaxshi futbolchisi uchun ovoz berish natijalarini e’lon qilgani haqida xabar bergan edik.
“The Best” sovrinini qo‘lga kiritgan Levandovski Polsha terma jamoasi sardori sifatida ovoz berishda ishtirok etdi. U birinchi o‘ringa “Chelsi” yarim himoyachisi Jorjino, ikkinchi o‘ringa PSJ hujumchisi Lionel Messi, uchinchi o‘ringa “Manchester Yunayted” hujumchisi Krishtianu Ronaldu joylashtirgan.
Eslatib o‘tamiz, Robert 2021 yilda dunyoning eng sermahsul futbolchisiga aylandi. U “Bavariya” va Polsha tarkibida 59 ta o‘yinda 69 marta raqib darvozasini ishg‘ol qildi.
Ma’lumot uchun, ovoz berishda terma jamoalar sardorlari va bosh murabbiylari, OAV vakillari hamda muxlislar ishtirok etadi. Yil yakunida sardorlar, murabbiylar va jurnalistlar eng yaxshi uch futbolchini tanlaydilar. Birinchi o‘rinda qayd etilgan futbolchiga 5 ball, ikkinchi o‘ringa 3, uchinchi o‘ringa 1 ball beriladi.
