Gulistonda evakuatordagi Matiz radarga tushdi
Jamiyat
−
21 aprel 2021 12208
Ijtimoiy tarmoqda evakuator ustida turgan Matiz radarga tushgani haqida xabar tarqalib, ko‘plab muhokamalarga sabab bo‘lmoqda. O‘zbekiston Respublikasi IIV YHXBB Matbuot xizmati ushbu holat yuzasidan ma’lumot berdi.
Qayd etilishicha, mazkur holat 2020 yilda Sirdaryo viloyati, Guliston shahrida sodir bo‘lgan.
2020 yil 9 aprel kuni Guliston shahar hududida o‘tkazilayotgan reyd tadbiri davomida Matiz rusumli 20 F814DA davlat raqam belgili avtomashina haydovchisi karantin qoidalarini buzib, viloyat markazida harakatlanib yurganligi sababli, haydovchiga nisbatan ma’muriy bayonnoma rasmiylashtirilib, avtomashina jarima maydonchasiga joylashtirishga jo‘natilgan.
Mercedes-Benz Sprinter rusumli 20 Ye298DA davlat belgili maxsus evakuator Matiz rusumli avtomobilni jarima maydonchasiga olib ketayotib, O‘zbekiston ko‘chasida yuqori tezlik 60 km/soat belgilangan joyda 70 km/soat tezlikda harakatlangan vaqtda tezlikni o‘lchovchi moslama, ya’ni “radar”ga tushgan.
“Radar” tezlik o‘lchovchi moslama avtomatik tartibda ushbu maxsus evakuator avtomashinasi ustiga ortilgan Matiz rusumli 20 F814DA davlat raqam belgili avtomashinani ham suratga olib markazlashgan bazaga jo‘natgan.
Qaror ijro etishlik uchun Sirdaryo viloyati IIB YHXB mas’ul xodimiga kelib tushgandan so‘ng esa uni asosligini va boshqa rekvizitlari to‘g‘riligini tasdiqlash vaqtida faqatgina Mercedes-Benz Sprinter rusumli 20 Ye 298 DA davlat belgili maxsus evakuator yuk mashinasi tezlikni oshirganligi sababli jarima solish to‘g‘risidagi qaror tasdiqlanib, mulkdorning yashash manziliga pochta orqali jo‘natilgan.
Live
Barchasi
