Samarqandlik yosh futbolchilar Barselonada!

18-22 aprel kunlari Ispaniyaning Barselona shahrida bolalar-o‘smirlar o‘rtasidagi “Copa Santa” musobaqasi o‘tkazilib, ushbu musobaqada nafaqat O‘zbekiston, balki Markaziy Osiyo davlatlaridan faqatgina Samarqand jamoasi ishtirok etdi, deb xabar bermoqda Zarnews nashri.

10 yoshdan 18 yoshgacha bo‘lgan bolalar toifasida 37 davlatdan 100 dan ortiq jamoalar turnirda ishtirok etdi. Musobaqada Samarqand shahrining “Umed BFK” jamoasining 12 yoshli futbolchilari ishtirok etishdi.

Samarqand klubi “Copa Santa” turniri davomida Italiya, Ispaniya va Jazoir mamlakati klublariga qarshi to‘p surib, munosib ishtirok etdi.

Ispaniyadagi bir haftalik safar davomida “Umed BFK” jamoasi Kataloniyaning diqqatga sazovor joylari, xususan mashhur “Kamp Nou” stadionida bo‘lib, “Barselona” klubining yutuqlar, muzeyi bilan tanishishdi. Barselonadagi o‘quv-yig‘in mashg‘ulotlari hamda yuqori saviyada tashkil etilgan xalqaro turnir va xorijlik tengqurlar bilan xalqaro o‘yinlari O‘zbekiston sharafini himoya qilgan samarqandlik yosh futbolchilarning faoliyati uchun katta tajriba bo‘lib xizmat qiladi.