Bayden Putinning neft daromadini qisqartirishga bor kuchi bilan harakat qilishga va’da berdi

Qo‘shma Shtatlar Yevropadagi ittifoqchilari bilan Rossiya neftiga maksimal narxlarni belgilashga urinishda davom etadi. Bu haqda bugun, 13 iyul kuni AQSH Prezidenti Jo Bayden tomonidan tarqatilgan yozma bayonotda aytiladi. 

Bayden inflyatsiyaga qarshi kurash uning "birinchi ustuvor vazifasi" ekanligiga ishontirmoqda.  

“Birinchi navbatda, men [AQCHda] benzin narxini pasaytirish uchun qo‘limdan kelganini qilishda davom etaman. Men strategik zaxiramizdan tarixiy neft chiqarishni davom ettiraman. Men [Prezident Vladimir] Putinning neft daromadini qisqartirish orqali Rossiya neftining narxini cheklash uchun yevropalik ittifoqchilarimiz bilan ishlashda davom etaman. Va men mas’uliyatli tarzda ishlab chiqarishni ko‘paytirish uchun AQSH neft va gaz sanoati bilan ishlashda davom etaman. Qo‘shma Shtatlar kuniga 12,1 million barrel neft qazib oladi va rekordlarni yangilash yo‘lida”, deydi Bayden.

U AQSHda joriy inflyatsiya darajasi “qabul qilib bo‘lmaydigan darajada yuqori” ekanini tan oldi. Shu bilan birga, Bayden bu ma’lumotlar eskirganligini va ishlarning hozirgi holatini, birinchi navbatda, mamlakatdagi benzin narxining deyarli 30 [oxirgi] kunlik arzonlashuvining to‘liq ta’sirini aks ettirmasligini ta’kidladi. 

Bundan tashqari, Prezident Qo‘shma Shtatlardagi inflyatsiyaning o‘sishini eng dolzarb iqtisodiy muammo deb ta’rifladi, yana bir bor mamlakatdagi narxlarning o‘sishini Rossiyaning Ukrainadagi harbiy harakatlari oqibatlari bilan bog‘ladi. Shunga o‘xshash muammolar Yevropada kuzatilayotganiga ham e’tibor qaratdi. 

Bayden qo‘shimcha qilganidek, u neft tannarxining pasayishi Qo‘shma Shtatlardagi yoqilg‘i quyish shoxobchalarida iste’molchilar uchun benzin narxining pasayishiga olib kelishi kerak. 

"Neft va gaz kompaniyalari bu daqiqadan yoqilg‘i quyish shoxobchalarida narxlarni pasaytirmasdan foyda olish uchun bahona qilmasliklari kerak", deb hisoblaydi Oq uy rahbari. 

Bayden AQSH Kongressini shu oyda oddiy amerikaliklarning "kundalik xarajatlarini",  jumladan, retsept bo‘yicha beriladigan dori-darmonlar, kommunal xizmatlar va tibbiy sug‘urtani kamaytirishga yordam beradigan qonun qabul qilishga chaqirdi va respublikachi siyosiy raqiblarini soliqlarni oshirishga qaratilgan har qanday urinishlarga qarshi turish niyatidan ogohlantirdi.

AQSHda antirekordlar

Inflyatsiyaga qarshi yangi rekord haqidagi ma’lumot avvalroq AQSH Mehnat vazirligi tomonidan tarqatilgan edi. Qayd etilishicha, iyun oyida AQSHda iste’mol narxlari yillik hisobda 9,1 foizga o‘sgan. Bu 1981 yil noyabr oyidan beri eng katta o‘sishdir. Aniqlik kiritilishicha, energiya narxlari indeksi o‘tgan yil davomida 41,6 foizga oshgan. Bu 1980 yil aprel oyida tugagan davrdan beri bir yil ichida eng katta o‘sishdir. 

Iyun oyi o‘rtalarida AQSH Federal zaxira tizimi inflyatsiyaga qarshi kurashish maqsadida so‘nggi o‘n yilliklarda birinchi marta bazaviy foiz stavkasini birdaniga 75 bazaviy punktga, ya’ni 1,5-1,75% gacha oshirdi.