...
МЕНЮ
ONLINE TV

Тожикистонга қачон визасиз бориш мумкин бўлади?


18:07, 12.03.2018 Жамият
 4 522

Шавкат Мирзиёевнинг Тожикистон Республикасига ташрифи доирасида фуқароларнинг ўзаро келиб кетишлари тўғрисида ҳукуматлараро битим имзоланган.

Ташқи ишлар вазирлиги Ўзбeкистон Рeспубликаси ҳукумати билан Тожикистон Рeспубликаси ҳукумати ўртасида фуқароларнинг ўзаро кeлиб кeтишлари тўғрисидаги битимнинг қўлланиши юзасидан изоҳ берди.
 
Қайд этилишича, 2018 йилнинг 9-10 март кунлари Ўзбекистон Республикаси Шавкат Мирзиёевнинг Тожикистон Республикасига ташрифи доирасида фуқароларнинг ўзаро келиб кетишлари тўғрисида ҳукуматлараро битим имзоланган. Унга кўра, икки давлат фуқаролари 30 кунгача визасиз ўзаро сафар қилишлари мумкин.


 
Оммавий ахборот воситаларида ушбу Битимнинг амал қилиши бошлангани тўғрисида маълумот тарқалгани ва давлат чегарасидаги ўтказиш пунктларида фуқаролар учун ноқулайликлар пайдо бўлишини олдини олиш мақсадида Ўзбекистон Республикаси Ташқи ишлар вазирлиги ушбу Битимнинг қўлланиши учун томонларнинг ички тартиб-қоидалари якунланиши кераклигини маълум қилади.
 
Ўзбекистон Республикаси Ташқи ишлар вазирлиги Тожикистон томони билан биргаликда тегишли тартибларни тезда жорий этиш учун барча саъй-ҳаракатларни амалга оширади.
 
Шартнома кучга кириш санаси қўшимча равишда эълон қилинади, дея хабар берди Ташқи ишлар вазирлиги матбуот хизмати.
Фирдавс БЕК

Теглар:Тожикистон виза 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз қайси яхна ичимликларни ичасиз?

Барча сўровлар