Учтепада озиқ-овқат дўкони ёнди
Жамият
−
13 Июль 2019 6247
Бугун, 13 июль куни Учтепа туманида озиқ-овқат дўконида ёнғин содир бўлди. Бу ҳақда Тошкент шаҳар Ёнғин хавфсизлиги бошқармаси Матбуот хизмати хабар берди.
Ёнғин соат 4:34 да Учтепа тумани, Чилонзор 6-даҳа, Лутфий кўчаси 6-уйда жойлашган озиқ-овқат маҳсулотлари дўконида келиб чиққан. Дўконнинг 40 кв м майдони ёнган.
Ёнғин ўчириш жанговар бўлинмалари томонидан кўрилган тезкор чора ва ҳаракатлар натижасида ёнғин соат 04:45 да қуршаб олиниб, соат 04:47 да бартараф этилган.
Ҳозирда ёнғин сабаби ва келтирилган моддий зарар миқдори аниқланмоқда. Ёнғин жойига 4 та ёнғин ўчириш техникаси жалб қилинган.
Эслатиб ўтамиз, Тошкентда кеча Сергели ва Миробод туманидаги қурилиш майдонларида иккита йирик ёнғин юз берганди. Уларнинг бирида автокран ҳайдовчиси ҳалок бўлган.
