“Чилонзор” бекатида поезд тўхтаб қолди
Жамият
−
08 Март 5321
Ижтимоий тармоқларда Тошкент метросининг “Чилонзор” бекатида ҳаракат таркиби тўхтаб қолгани ҳақида хабарлар тарқалди. Ҳолат юзасидан “Тошкент метрополитени” ДУК матбуот хизмати муносабат билдирди.
Аниқланишича, бугун, 8 март куни соат 16:48 да “Чилонзор” бекатидан ҳаракатланиши лозим бўлган 23-сонли ҳаракат таркибининг компрессорида носозликлар бўлгани сабабли, белгиланган йўриқномага асосан, машинист томонидан йўловчилар ва ҳаракат хавфсизлигини таъминлаш мақсадида йўловчилар бекатга туширилган.
Шундан сўнг, поезд ортдан келаётган 22-сонли ҳаракат таркиби орқали тиркамага олинган ҳолда текширув йўлаги томон юборилган.
“Ҳозирги вақтда йўналишдаги поездлар белгиланган жадвал бўйича ҳаракатланмоқда”, дейилади изоҳда.
Live
Барчаси
