Дин ишлари бўйича қўмита раисига янги ўринбосар тайинланди
Жамият
−
09 Сентябрь 2019 7214
Дилбар Муҳамедхановна Ғуломова Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раисининг ўринбосари этиб тайинланди.
Маълумот учун, Вазирлар Маҳкамаси ҳузуридаги Дин ишлари бўйича қўмита ҳар бир шахснинг виждон ва диний эътиқод эркинлиги ҳуқуқи, фуқароларнинг динга бўлган муносабатидан қатъи назар тенглигини таъминлаш, шунингдек диний ташкилотлар фаолияти билан боғлиқ муносабатларни тартибга солиш соҳасидаги вазифаларни ҳал этиш ваколати берилган давлат бошқаруви органи ҳисобланади.
Эслатиб ўтамиз, аввалроқ, Давлат хавфсизлик хизматида фаолият юритган Абдуғофур Аҳмедов Дин ишлари бўйича қўмита раиси этиб тайинланганди. Абдуғофур Аҳмедовга ДХХнинг бошқа бир ходими Дилшод Мухитдинович Эшнаев ўринбосар бўлганди.
Шунингдек, Қўмита собиқ раисининг ўринбосари Нуримон Абулҳасан ИИВ тизимида янги лавозимга тайинланди.
Live
Барчаси
