...
МЕНЮ
ONLINE TV

Анвар қори тирикми?


08:29, 08.06.2018 Жамият
 10 553

Анвар қори Турсунов яшайдиган маҳаллада, хусусан қорининг хонадони атрофида ободонлаштириш ишлари олиб борилган.

Икки ойдирки Тошкент шаҳар бош имом-хатиби Анвар қори Турсунов инсульт хасталигини бошдан кечиргач, шифохонада ётибди. “Qalampir.uz”нинг шахсий манбалари етказган маълумотларга қараганда у ҳамон комада. 

7 июнь, пайшанбадан жумага ўтар кечаси ижтимоий тармоқларда Анвар қори Турсуновнинг вафот этгани ҳақида миш-мишлар тарқалди. Бугун тонгда ижтимоий тармоқ таъзияномаларга тўлиб, тошди. Уларда айтилишича, Анвар қори Турсунов вафот этган, жанозаси бугун, жума намозидан кейин ўтказилади. 

Тарқалган хабарларни аниқлаш мақсадида “Qalampir.uz”  шоир Муҳаммад Исмоил, Ўзбекистон мусулмонлар идораси ҳамда Анвар қори Турсунов истиқомат қилаётган "Янгиобод" маҳалласи фаоллари билан алоқага чиқди. Бироқ ҳеч бир манба қорининг вафотини тасдиқлагани йўқ. 

Бошқа манбаларга кўра, бир ҳафта аввал маҳаллада, хусусан Анвар қори Турсунов хонадони атрофида ободонлаштириш ишлари олиб борилган. 

Эслатиб ўтамиз, ўтган ҳафта охирида ҳам қорининг вафот этгани  ҳақида хабарлар тарқалганди. Бироқ расмийлар ушбу хабарларни рад этди. 

Фурсатдан фойдаланиб, таҳририятимиз номидан Анвар қори Турсуновга мустаҳкам соғлик тилаймиз.

Теглар:Анвар қори Турсунов 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз қайси яхна ичимликларни ичасиз?

Барча сўровлар