Аббосбек Файзуллаев Ўзбекистоннинг энг қиммат футболчиси – “Transfermarkt”

Мустақил Давлатлар Ҳамдўстлиги ҳудудидаги давлатларнинг энг қиммат футболчилари рўйхати эълон қилинди. Унга кўра, Ўзбекистон миллий терма жамоаси ва Москванинг ЦСКА клуби аъзоси Аббосбек Файзуллаев Ўзбекистоннинг энг қиммат футболчиси деб эътироф этилди. Бу ҳақда “Transfermarkt” хабар берди.

Файзуллаевнинг трансфер қиймати 5 миллион еврони ташкил қилади. МДҲ мамлакатлари ичидаги энг қиммат футболчи грузиялик Хвичи Кварацхелия бўлди. Италиянинг “Наполи” клубида тўп тепадиган Кварацхелия 80 миллион еврога баҳоланган.

Рўйхат:
Грузия: Хвича Кварацхелия (80 миллион евро, “Наполи”);
Украина: Александр Зинченко (42 миллион евро, Лондоннинг “Арсенал” клуби);
Россия: Александр Головин (30 миллион евро, “Монако”);
Арманистон: Эдуард Сперцян (18 миллион евро, “Краснодар”);
Қозоғистон: Бахтиёр Зайнутдинов (6 миллион евро, “Бешиктош”);
Молдова: Олег Рябчук (5 миллион эвро, “Спартак Москва”);
Ўзбекистон: Аббосбек Файзуллаев (5 миллион евро, ЦСКА);
Литва: Гвйдас Гинеитис (2 миллион евро, “Торино»);
Эстония: Карл Хайн (2 миллион евро, Лондоннинг “Арсенал” клуби);
Беларусь: Илья Шкурин (2 миллион евро, “Стал”);
Озарбайжон: Ренат Дадашов (2 миллион евро, “Хатайспор”);
Латвия: Раймондс Кроллис (1,5 миллион евро, “Вишков”);
Тожикистон: Рустам Ятимов (1,2 млн евро, “Истиқлол”);
Қирғизистон: Гулжигит Аликулов (550 минг евро, “Неман”);
Туркманистон: Руслан Мингазов (450 минг евро, “Китчи”).

Эътиборлиси, Ўзбекистон миллий терма жамоаси сардори ва Италиянинг “Кальяри” клуби ҳужумчиси Элдор Шомуродовнинг ҳам трансфер нархи 5 миллион еврони ташкил қилади, бироқ ёш нуқтайи назаридан портал Файзуллаевни Ўзбекистоннинг энг қиммат футболчиси деб топди.