Коронавирусдан вафот этганлар 100 000 дан ошиб кетди

Дақиқа сайин коронавирус пандемияси қулочини кенг ёзиб бормоқда. Вирус дунёнинг 185 мамлакатида қайд этилди. Сўнгги маълумотларга кўра, ушбу вирус билан хасталанганлар 1 650 210 нафарни ташкил этмоқда. Ўлим кўрсаткичи эса 100 мингдан ошиб, 100 376 тага етди. Беморларнинг 368 669 нафари соғлом ҳаётга қайтди. 

Вирус тақралиши бўйича АҚШ мутлақ етакчилик қиляпти. Мамлакатда 475 749 киши коронавирус юқтирган. Уларнинг 17 925 нафари вафот этган ва 26 645 нафари даволанган. 

Коронавирус тарқалиши бўйича иккинчи ўринда Испания кетяпти. Мамлакатда 157 053 кишида коронавирус аниқланган. Шундан 15 970 киши вафот этган, 56 668 киши даволанган,

Европада коронавирус ўчоғи бўлган Италияда 147 577 кишида коронавирус аниқланган. Қурбонлар 18 849 нафарга етди. 30 455 киши касалликдан фориғ бўлди.

Германия COVID-19 инфекциясининг тарқалиш кўлами бўйича тўртинчи ўринда боряпти. Мамлакатда 119 624 кишида коронавирус аниқланган. Уларнинг 2 607 нафари вафот этган ва 52 407 нафари даволанган.

Коронавирус тарқалиши бўйича дастлабки бешталикни Франция якунлаб берган. Бугунгача Фаранцияда 118 790 киши коронавирус юқтирган. Уларнинг 12 228 нафари вафот этган ва 23 469 нафари даволанган.

Коронавирус тарқалиши бўйича кейинги бешталикдан Хитой (82 941), Буюк Британия (71 078), Эрон (68 192),Туркия (47 029) ва Бельгия (26 667) жой олган.