Qirg‘izistonda vaziyat og‘ir. Favqulodda holat e’lon qilinishi kutilmoqda

Olam

image

Qirg‘iziston Respublikasi Prezident Sooronboy Jeenbekov bugun, 6 iyul kuni Xavfsizlik kengashining tor doiradagi yig‘ilishini o‘tkazib, unda mamlakatdagi epidemiologik vaziyatni muhokama qildi. Davlat rahbari Vazirlar Mahkamasi va Sog‘liqni saqlash vazirligini vaziyatning kun sayin keskinlashib borishini tahlil qilmagani va oldindan prognoz hisobotlar taqdim etmagani uchun tanqid qildi. 

Shuningdek, u Hukumatni so‘nggi kunlarda aholi o‘rtasi vahima uchg‘otishda, fuqarolarga birinchi tibbiy yordam ko‘rsatilmayotgani va profilaktika choralarini ko‘rmaganlikda aybladi. 

“Siz kadrlar zaxirasini to‘ldirish bo‘yicha o‘z vaqtida ishlamadingiz va inqirozdan keyin mutaxassislarni jalb qilishni boshladingiz”, deydi Prezident. 

Uning qayd etishicha, Sog‘liqni saqlash vazirligi barcha tibbiyot xodimlarini zarur tibbiy vositalar, jumladan shaxsiy himoya buyumlari bilan ta’minlashi kerak. SSVga Respublika shtab-kvartirasi va shaxsan Prezidentga shifokorlarning ehtiyojlari to‘g‘risida to‘liq va aniq ma’lumot taqdim etish, shuningdek ko‘tarilgan masalalarni tezkor hal qilish talabi qo‘yildi. 

Davlat rahbari so‘zida davom etarkan, mamlakatda favqulodda holat e’lon qilinishi bo‘yicha aniq choralar ko‘rilmaganini ham tanqid qildi. U mahalliy rahbarlar tomonidan o‘rnatilgan karantin cheklovlari barcha fuqarolar va xo‘jalik yurituvchi sub’ektlar uchun majburiy ekanini eslatdi.

“Kasallikka qarshi kurashda fuqarolik javobgarligi katta ahamiyatga ega. Vaziyat murakkab va qiyin ekanligini ochiq tan olamiz. Har bir avlod sinovlarga duch keladi. Bizning otalarimiz va bobolarimiz Ikkinchi jahon urushidagi barcha dahshatlarga dosh berishga majbur edilar va o‘z hayotlari evaziga bizga tinch osmonni tortiq etdilar. Bugun biz bu kasallikka qarshi kurashmoqdamiz. Kasallik ustidan g‘alaba qozonish mamlakatning har bir fuqarosi o‘z vazifalarini aniq bajarishiga bog‘liq. Bu majburiyatlar juda oddiy: mutaxassislar tomonidan tavsiya etilgan tartib-qoidalarga rioya qilish va yaqin atrofdagilarga yordam berish”, deydi Jeenbekov. 

Ma’lumot o‘rnida, 6 iyul holatiga ko‘ra, Qirg‘izistonda koronavirusga chalinganlar 7691 nafarni tashkil etmoqda. Ulardan 2843 nafari sog‘aygan, 92 nafari vafot etgan. 


Maqola muallifi

Teglar

Sooronboy Jeenbekov

Baholaganlar

359

Reyting

2.9

Maqolaga baho bering

Doʻstlaringiz bilan ulashing