Italiyada 130 futli hashamatli yaxta cho‘kib ketdi (video)

Olam

image
0:00
0:00
download

Joriy yilning 22 avgust kuni 130 fut (39 m) uzunlikdagi hashamatli superyaxta Italiyaning Sitsiliya oroli qirg‘oqlarida cho‘kib ketdi. Kemaning cho‘kishi aks etgan videoni “Daily Mail” e’lon qildi.

Gazetaning yozishicha, voqea Italiyaning Milazzo shahri yaqinida yuz bergan. 21 avgustga o‘tar kechasi yaxta kapitani bortga suv kirayotgani sababli avariya signalini bergan. Sohil qo‘riqlash xizmati to‘rt yo‘lovchini qirg‘oqqa evakuatsiya qilgan, ekipaj a’zolari esa suv kirayotgan joyni tuzatish uchun kemada qolgan.

Ertasi kuni vaziyat keskin yomonlashgan. Yaxta tez cho‘kishni boshlagan va qolgan odamlar qirg‘oqqa olib chiqilgan.

Tarmoqqa joylangan kadrlarda dengiz kemasining qanday qilib o‘ng tomoniga yiqilib tushgani, so‘ng burni yuqoriga ko‘tarilgan holda asta-sekin suv tubiga g‘arq bo‘lgani ko‘rsatilgan. Ayni paytda mahalliy huquq-tartibot idoralari hodisa sabablarini o‘rganmoqda.


Maqola muallifi

Teglar

Baholaganlar

339

Reyting

3.1

Maqolaga baho bering

Doʻstlaringiz bilan ulashing