Токио-2020. Ғиёсов ва Абдулҳабибов кучли ўнликда юришини якунлади

Спорт 1212
image

Токио шаҳрида давом этаётган ёзги Паралимпия ўйинларида ўзбекистонлик спортчиларнинг иштироки давом этмоқда. Бир неча дақиқа аввал пара-енгил атлетика ва пара-каноэ баҳсларида спортчиларнинг чиқиши якунланди.

Дастлаб KL2 тоифасида Азизбек Абдулҳабибов финал баҳсида иштирок этди. 200 метр масофага кечган пойгада ўзбекистонлик спортчи саккизинчи бўлиб маррага етиб келди.

Пара-енгил атлетикачиларнинг Т44 тоифасида эса Темурбек Ғиёсов Ўзбекистон делегацияси шарафини ҳимоя қилди. Баландликка сакраш бўйича ўтган мусобақада у 1,88 метр натижа билан олтинчи ўринни эгаллади.

Шу тариқа, бугунги кун дастуридан ўрин олган учта ўзбекистонлик спортчининг чиқиши якунланди. Кечги дастурларда Ёрқинбек Одилов ўз чиқишини амалга ошириб, делегациянинг бугунги юришини якунлаб беради.

Абдулла Маннонов
Мақолага баҳо беринг
Баҳолаганлар: 25
Рейтинг: 3.1
t
×