Россияда фожиали ҳалок бўлган икки мигрант тўғрисида янги маълумотлар берилди

Жамият 5680

Аввалроқ, меҳнат фаолиятини амалга ошириш учун кетган икки нафар ўзбекистонликнинг Россия Федерацияси Санк-Петербург шаҳрида ҳалок бўлганлиги тўғрисида хабар берган эдик.  

Мазкур ҳолат юзасидан Бандлик ва меҳнат муносабатлари вазирлиги қуйидагиларни маълум қилди.

Жорий йилнинг 6 февраль куни Коломяж проспекти, 10-уй манзили бўйича жойлашган “Шимолий завод”даги цехда пардозлаш ишларини олиб бориш жараёнида баландликдан тушиб кетиш оқибатида Санк-Петербург шаҳрида Ўзбекистон фуқароси ҳалок бўлди.

Ҳалок бўлган фуқаро Ўзбекистон Республикаси фуқароси 1990 йил 9 август куни туғилган Алишер Зиядуллаевич Усаров ҳисобланади.  

Ҳалокат далиллари бўйича айни пайтда тергов-текширув ишлари олиб борилмоқда. Ҳолат юзасидан жиноят иши қўзғатилади.

Ҳозирги кунда вафот этган фуқаронинг мурдаси Санк-Петербург, Екатеринск проспекти, 10-уй манзили бўйича суд-тиббий экспертизаси Бюроси моргида сақланмоқда.

Жорий йилнинг 6 февраль куни 1998 йил 8 августда туғилган Ўзбекистон Республикаси фуқароси Толибжон Эсонов Ленинград вилояти Мурино шаҳрида Воронцов хиёбони, 17-уйдаги “Краски лета” турар жой комплексида қурилаётган уйнинг 14-қаватидан йиқилиб тушиб, ҳалок бўлган.

Жиноий иш ҳали қўзғатилмаган. Айни пайтда фожиали ҳолат юзасидан текширув ишлари ўтказилмоқда.

Ҳалок бўлган фуқаронинг мурдаси Ленинград вилояти Токсово шаҳар моргида сақланмоқда. Тергов ишлари олиб борилмоқда.

"Жасадларни юртга транспартировка қилиш бўйича дастлабки барча чора-тадбирлар ўтказилди, Ўзбекистон Бандлик ва меҳнат муносабатлари вазирлиги ходимлари олиб кетишга рухсат берилишини кутмоқда", дейилади вазирлик хабарида.

Эслатиб ўтамиз, Санкт-Петербург шаҳри ва Ленинград вилоятида икки ўзбек мигранти ҳалок бўлишидан аввал Давлат кимё-фармацевтика университети талабаси бошига катта муз бўлаги тушиши натижасида фожиали ўлим топганди.

Суннатилла Абдуллаев
Мақолага баҳо беринг
Баҳолаганлар: 87
Рейтинг: 1.8
Будьте в курсе событий!
×
×