Олтинкўл тумани ҳокими Назиржон Ўринбоев ҳам вафот этди

Жамият

−

07 Октябрь 2020 visibility10759

Андижон вилояти Олтинкўл тумани ҳокими лавозимида ишлаб келаётган Назиржон Ўринбоев пневмония асоратлари ва ўткир юрак қон-томир етишмовчилигидан вафот этди. Бу ҳақда QALAMPIR.UZ манбаси хабар бермоқда.

Назиржон Ўринбоев 1966 йилда Олтинкўл туманида туғилган.

1989 йил Андижон давлат педагогика институтини тамомлаган

У ҳокимликка тайинлангунга қадар 2014—2017 йилларда Андижон вилояти ИИБ Ҳуқуқбузарликларнинг олдини олиш бошқармаси бошлиғи, “Агросервис МТП” компанияси раисининг ўринбосари лавозимларида ишлаган.

У 2018 йилнинг 20 октябрида Олтинкўл туманига ҳоким этиб тайинланган эди.

Эслатиб ўтамиз, бугун, 7 октябрь куни Наманган вилояти ҳокимининг ўринбосари Баҳромжон Нурматов оғир хасталикдан сўнг 56 ёшида вафот этди.

QALAMPIR.UZ таҳририяти аъзолари марҳумнинг оиласи ва яқинларига ҳамдардлик билдиради.

Мақола муаллифи