Оҳангарон тумани икки ҳудуд ҳисобига кенгайтирилади

“Тошкент вилоятининг Ангрен шаҳри, Ўрта Чирчиқ ва Оҳангарон тумани чегараларини ўзгартириш тўғрисида”ги қарор лойиҳаси муҳокама учун эълон қилинди.

Лойиҳага мувофиқ Ўзбекистон Республикаси Вазирлар Маҳкамасининг таклифи қабул қилиниб, Тошкент вилоятининг Ангрен шаҳри. Ўрта Чирчиқ ва Оҳангарон тумани чегаралари ўзгартирилади.

Тошкент вилояти Ангрен шаҳари ҳудудидаги 143,16 гектар (“Нуробод” қўрғони) ҳамда Ўрта Чирчиқ тумани ҳудудидаги 3278,92 гектар (“Бахт” МФЙ ҳудудидан 130,46 гектар, “Тош ДАУ” МФЙ ҳудудидан 1518,5 гектар, “А.Навоий” МФЙ ҳудудидан 264,5 гектар ва “Ўртасарой” МФЙ ҳудудидан 1250,2 гектар) ер майдони Тошкент вилоятининг Оҳангарон тумани таркибига ўтказилади.

Тошкент вилоятининг Ангрен шаҳри, Ўрта Чирчиқ ва Оҳангарон туманларининг маъмурий ҳудуди Ўзбекистон Республикаси Вазирлар Маҳкамаси томонидан тақдим этилган чегараларнинг тавсифи ва график чизмасига асосан тасдиқланади.

Тошкент вилояти Оҳанагон тумани таркибига ўтказилаётган Тошкент вилоятининг Ангрен шаҳар 27-Ҳамза сайлов округидан сайланган Халқ депутатлари Ангрен шаҳар Кенгашининг депутати Бандаренко Виктор Михайлович Халқ депутатлари Оҳангарон тумани Кенгашининг депутати ҳисобланади.