Ноҳақ мағлуб бўлдик, бунақа кетиш ўта аламли — Дания мураббийи

Спорт 2626
image

Кеча, 7 июль куни Евро-2020 турнири ярим финали доирасида Англия ҳамда Дания терма жамоалари тўқнаш келди, унда инглизлар данияликларни қўшимча бўлимларда урилган гол эвазига 2:1 ҳисобида мағлуб этди. Ўйиндан сўнг Дания терма жамоаси бош мураббийи Каспер Юлманд мағлубиятдан норози эканини билдирди.

“Ўйин давомида жуда кўп нарса бизга қарши чиқди. Биз биринчи гол урдик, автогол сабаб эса гол ўтказдик. Якунда эса ўйин тақдирини пенальти ҳал қилиб юборди, мен эса бундан норозиман. Пенальти берилган вазиятда майдонда иккита тўп бор эди, бунақа вазиятда ҳакам ўйинни тўхтатиши керак эди.

Вазият жуда қалтис эди, VAR Стерлинг йиқилган вазиятни кўрди, лекин барибир пенальти белгилади. Мен у ерда пенальти кўрмаяпман. Кўпчилик фикримни тасдиқлади. Касперга шунчаки, қойил! У қўлидан келган ишни максимал тарзда бажарди, бутун жамоа энг яхши ўйинини кўрсатди. Кичик хатони деб барча умидлар пучга чиқди. Ноҳақ мағлуб бўлдик. Ўйин томонлама ютишсаю, мағлуб бўлсак, алам қилмас эди. Турнирни бу тарзда тарк этиш ўта аламли”, дейди Юлманд.

Эслатиб ўтамиз, ўйин тақдирини Ҳарри Кейннинг 104-дақиқада урган голи ҳал қилиб берди. Пенальтини Каспер Шмейхель қайтарди, қайтган тўпни эса Кейн дарвозага жойлаб қўйди.

Абдулла Маннонов
Мақолага баҳо беринг
Баҳолаганлар: 52
Рейтинг: 3.1
t
×