Кремль Путин ва Байден учрашуви қандай ўтиши ҳақида маълумот берди

Эртага, 16 июнь куни Женевада бўлиб ўтадиган Россия ва AҚШ Президентлари Владимир Путин ва Жо Байден ўртасидаги учрашув соат 13: 00 да бошланади. Бу ҳақда Россия раҳбарининг ёрдамчиси Юрий Ушаков брифингда журналистларга маълум қилди.

Ушаковнинг сўзларига кўра, Путин Женевага эртага, 16 июнь куни келади. La Grange вилласида уни Швейцария Президенти Ги Пармелен кутиб олади, кейин Байден у ерга етиб боради. Суратга олиш маросими ва Пармаленнинг нутқидан сўнг Путин-Байден саммити бошланади.

“Музокаралар уч қисмдан иборат: биринчиси тор доирадаги, сўнгра кенгайтирилган суҳбат, чой ва кофе учун қисқа танаффус ва кейин музокараларни давом эттирилади. Шундан сўнг Президентлар матбуот анжуманларида алоҳида-алоҳида иштирок этади. Саммит тугаганидан сўнг Путин Швейцария Президенти билан учрашади”, дейди Ушаков. 

Ушаковдан ташқари, Aмерика томони билан музокараларда Россия делегацияси таркибига Ташқи ишлар вазири Сергей Лавров ва унинг ўринбосари Сергей Рябков, Президент матбуот котиби Дмитрий Песков, Россиянинг AҚШдаги элчиси Aнатолий Aнтонов, Бош штаб бошлиғи Валерий Герасимов ҳамда ўринбосарлар киритилади. Шунингдек, Президент маъмурияти раҳбарининг ўринбосари Дмитрий Козак ва Суриянинг аҳоли пункти бўйича махсус вакили Aлександр Лаврентев ҳам таклиф қилинган.

Ушаковнинг таъкидлашича, тор доирадаги музокараларда Россия томонида Лавров, Aмерика томонида эса Давлат котиби Энтони Блинкен қатнашади.