Британия Эронда инсон ҳуқуқларини бузган 24 кишига санкция қўллади

Олам

image

Буюк Британия Эронда инсон ҳуқуқларини бузган 24 кишини санкциялар рўйхатига киритди. Рўйхат кеча, 14 ноябрь куни Қироллик Ташқи ишлар вазирлиги томонидан эълон қилинди. 

Санкциялар рўйхатига Эрон ахборот ва коммуникация технологиялари вазири Исо Зарепур, киберполиция бошлиғи Носир Мажид ва республиканинг турли ҳуқуқ-тартибот идоралари ҳудудий бўлинмалари раҳбарлари киритилган. 

“Ушбу санкциялар Эрон режимининг инсон ҳуқуқларини қўрқинчли поймол қилишда масъул бўлган амалдорларига нисбатан қўлланилмоқда. Биз ҳамкорларимиз билан биргаликда Эрон режимига аниқ хабар юбордик – норозилик намойишларини шафқатсизларча бостириш тўхтатилиши керак. Ва сўз эркинлиги ҳурмат қилиниши керак. Эрон халқи жуда аниқ гапирмоқда. Режим ташқи кучларни айблашни тўхтатиб, халқни тинглашни бошлаш вақти келди”, дейди Ташқи ишлар вазири Жеймс Клеверли ҳисоботда.  

ТИВ баёнотида айтилишича, Эронда юзлаб намойишчилар хавфсизлик кучлари томонидан ўлдирилган, минглаб одамлар яраланган, 40 дан ортиқ журналист ҳибсга олинган. 

Октябрь ойида Британия ҳукумати Эрон ахлоқ полициясига ва Ислом Республикасининг бир қатор муҳим хавфсизлик амалдорларига қарши санкциялар киритган эди. 

Эслатиб ўтамиз, жорий йилнинг 16 сентябрь куни Эронда ахлоқ полицияси томонидан нотўғри ҳижоб кийгани учун ҳибсга олинган 22 ёшли талаба Маҳса Амини вафот этди. Унинг вафотидан сўнг мамлакатда норозилик намойишлари бошланди.

Намойиш сифатида бутун мамлакат бўйлаб аёллар ҳижобни ёқиб, сочларини кесмоқда. Ушбу норозилик дунёнинг бошқа мамлакатларида ҳам акс-садо bermoqda. Намойишчилар кўчаларни тўсиб, хавфсизлик кучларига тош отди, полиция машиналари ва ахлат қутиларига ўт қўйди, ҳукуматга қарши шиорлар айтишди.

Амини ўтган ҳафта пойтахтда Эрон ахлоқ полицияси томонидан аёлларнинг сочларини ҳижоб ёки рўмол, қўл ва оёқларини кенг кийим билан ўрашни талаб қилувчи қонунни бузганликда айбланиб ҳибсга олинган эди. 

Қўлга олинганидан уч кун ўтгач, Амини вафот этди. Расмийларга кўра, ўлимга "юрак етишмовчилиги" сабаб бўлган. Аммо марҳумнинг қариндошлари қизнинг юрагида ҳеч қачон муаммо бўлмаганини даъво қилмоқда. Улар жабрланувчини калтаклаш оқибатида вафот этган, деб тахмин қилмоқда. 

БМТ Инсон ҳуқуқлари бўйича Олий комиссари вазифасини бажарувчи Нада Ал-Нашиф Амини полиция томонидан калтаклангани ҳақидаги хабарларга ишора қилди.

Америка Қўшма Штатлари ҳибсга олингандан кейин вафот этган эронлик Маҳса Амини ўлими сабабли Эроннинг ахлоқ полициясига қарши санкциялар киритди. Кейинроқ Канада ҳам бир неча ўнлаб Эрон расмийлари, бизнес вакиллари, шунингдек, Эрон ахлоқ полициясига қарши санкциялар жорий этишга қарор қилди.

Теҳронда Эрон ахлоқ полицияси томонидан Ислом Республикасининг қаттиқ кийиниш қоидаларини бузгани учун ҳибсга олинганидан кейин комага тушиб, вафот этди.

Эронда унинг ўлимидан сўнг бутун мамлакат бўйлаб мисли кўрилмаган норозилик тўлқини кузатилди, сўнгги тўрт ҳафта ичида камида 233 намойишчи ҳалок бўлди.

Намойишчилар полиция ва “Басиж” милицияси аъзоларига ҳужум қилган, Қуръонни таҳқирлаган, масжидлар ва ҳукумат биноларига ўт қўйган, ҳижобли аёлларга ҳужум қилган, тез ёрдам машиналари ва ёқилғи қуйиш шохобчаларига ҳужум қилинган. Иштирокчилар Эроннинг турли шаҳарларида ҳибсга олинди.


Мақола муаллифи

Теглар

Эрон Маҳса Амини

Баҳолаганлар

7

Рейтинг

3.3

Мақолага баҳо беринг

Дўстларингиз билан улашинг